مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

مسابقات فتكات

مسابقات شيقه فى جميع المجالات

دورات فتكات

دورات متجدده فى جميع التخصصات

ثقافة و معلومات

قسم الثقافة و المعلومات العامة و المتخصصة

تعليم و مدارس

قسم معلومات عن المدارس وتجارب العضوات معها

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

مقارنات و تقييمات

مقارنات بين السلع والماركات المختلفة وتقييمات لها بواسطة العضوات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

اناشيد و اغاني اطفال

شاركي صاحباتك في الاناشيد والاغاني اللي بتحبيها

شات زهرات فتكات

شات للزهرات فقط، ممنوع دخول الكبار :)

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

قمصان نوم و ملابس البيت

قمصان نوم و لانجري و ملابس داخلية و ارواب و بيجامات

العناية بالشعر

طرق و نصائح و استفسارات العناية بالشعر

مستلزمات العروسة

خاص بتزيين العرائس و كل ما يتعلق باحتياجات الزواج

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه والعقيدة الاسلامية

يتناول الشروح العلمية للعقيدة والمسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 الأخيرة >>
ملخص الجزء الاول (دورة تنظيم الوقت)

١٠‏/٢‏/٢٠١٦





حبيباتى الفتوكات قررت تجميع ملخص من دورة تنظيم الوقت وهى للفتوكة الغالية
(حتة جاتوه)

وهو على الرابط ده
http://forums.fatakat.com/thread804634

ودا بعد إذنك يا جاتوهاية

السبب انهم 52 صفحة وطبعا مشاركات جاتوهاية مهمة جدا بس معها مشاركات كتيييير لعضوات غاليات
فبدل التوة فى الموضوع قلت اعمل الملخص ده

وعلى فكرة ان شاء الله هكتب ردودك على العضوات بالاقتباس

عشان نستفيد بسهولة من الموضوع

ونبدأ بإذن الله


وارجو عدم االرد حتى اكتمال الموضوع

لكن يمكن التقييم حتى يتثبت الموضوع وكلنا نستفيد



السلام عليكم
اخواتى فى الله الفتوكات القمرات
لاول مره فى فتكات هعمل لكم دوره تنميه بشريه صغيره شبيه بدورات الدكتور ابراهيم الفقى
كلنا اكيد سمعنا عنه وعارفينه
المهم الدوره دى هتستفيدى منها جدا وسوف تساعدك على تنظيم وقتك وتنظيم حياتك
عايزه تعرفى هفيدك فى ايه ؟؟
نضرب مثال لكى يتضح الجواب
قاعده على النت شايفه موضوع مهم اوى بالنسبه لك كنتى بدورى عليه من زمان وجوزك زمانه راجع من الشغل وعايزه تكملى طبيخك والعصر قرب يدن والضهر مش صلتيه لسه
بيحصل كتير المثال ده صح ؟؟ حاجات كتيره عايزه تعمليها لكن مش عارفه تعملى ايه الاول وايه الاهم وايه الى يستنى صح؟؟
تعالى معايا بقى نقول على مدار دوره كامله هنعمل ايه واذى ننظم حياتنا ومش يحصل فيها ارتباك
يلا منتظراكم ومنتظره تفاعلكم والمشتركات هيبقى ليهم لوجو فى توقيعهم انهم مشتركين فى دوره "تنظيم الوقت "

انا هحجز بعد اذنكم كام مشاركه بعد المشاركه دى عشان نحط فيها اللوجو والدروس الاولى
يعنى لما تلاقى كلمه مشاركه محجوزه اعرفى انى سوف اضع فيها دروس جديده عشان تبقى فى اول صفحه ماشى ؟

وهو ده اللوجو


####################################


يلا هرفع بقى الأن سؤال يعنى نصحصح الزهن شويه بيه ممكن ؟؟
عندنا أصيص فارغ






وعايزين نحط فيه الاشياء الاتية
1.كتل من الطين
2. رمل
3.مياه
4.زلط
5.بزور النبات المراد زرعه
6.حصو ناعم صغير

السؤال بقى ايه ترتيب الاشياء دى فى الاصيص ؟؟

يعنى هنحط ايه رقم واحد ثم ايه رقم اثنين ثم ايه رقم ثلاثه ؟؟
وطبعا طبعا السؤال ده له مغزى ( هقولها فى الحل ) مش مجرد لعبه وخلاص
منتظره اجاباتكم ماشى ؟؟
################################

اخوتى انا مش خبيره فى الزراعه لكن الغرض من السؤال هو معرفه كيفيه نرتب الاصيص حسب حجم الاشياء وكيفيه وضع الاشياء به بحكمه
لكى نرتب الاشياء يا قمرات يجب ان نبدأ بالاكبر حجما ثم الاصغر فالاصغر
يعنى اولا هنبدأ بالشيئ الضخم واكبرهم وهو الزلط
2.كتل الطين لانها اصغر قليلا من الزلط
3. الحصو
4. الرمال سوف تتخلل الاصيص فى الفراغات الموجوده به دون ان تأخد حيز من الفراغ يذكر
5. بدور النبات
6. المياه سوف تجعل بذور النبات تتسلل الى التربه وسوف تتخلل الاصيص بسهوله

اكيد اكيد معظمكم هيستغرب من الاجابه بس سؤال عشان يبقى فيه نقاش حر وهادف بينا
اليس الترتيب ترتيب منطقى ؟؟
الغرض بقى من السؤال يا قمرات هو معرفه كيفيه استغلال الوقت فى اليوم
بأعتبار ان يومك هو الاصيص
وان المكونات المراد ترتيبها هى الاشياء التى يجب ان تقومى بالعمل بها
ولكى نرتب صح يومنا يجب ان نبدأ بالمهام الضخمه المراد القيام بها ولا غنى عن التراجع عنها او اهمالها او تأجيلها
ومن ثم سوف نشعر اننا انجزنا الاشياء التى على عاتقنا ويبقى لنا باقى الاشياء ميسره وسهله
بعد ان اسمع تعليقاتكم على اجابتى على السؤال سوف ارفع الدرس الاول ماشى ؟؟

#############################

لكى نرتب يومنا وننظمه يجب ان يكون لدينا مُسَلمات لا غنى عنها ولا نستغنى عنها وبنعملها بدون تفكير كل يوم مثل غسل الوجه كل صباح لما بستيقظ من النوم
فيه حد عنده اعتراض ان ده تعتبر مُسَلمه ؟؟
يعنى فيه حد بيفكر قبل ما يغسل وشه يغسله النهارده ولا مش له مزاج لا قدر الله
نضرب مثال لكى يتضح الامر
حته جاتوه من المسلمات لديها يومياً
1. صلاه الفجر حاضر يومياً
2.الصلاه على اوقاتها جميعها
3.قراءه ربع من المصحف يومياً
وهكذا ..... الخ الخ
المطلوب يا قمرات تقولى لى فى مشاركتك بقى ايه المسلمات بالنسبه لك 1..2....3...
بس اوعى ثم اوعى تكتبى لى ان من مسلماتك مثلا انك تطبخى
لانك كده مش فهمتى الدرس ببساطه هقول السبب
لانك ممكن تصحى النهارده بكل غلاسه وتناحه وتقولى مش طابخه بقى وهناكل دليفرى
مش بتحصل ؟؟؟ يبقى الطبيخ مش من المسلمات
يلا منتظره مشاركتكم وتطبيقم للدرس الاول
المطلوب ببساطه كل واحده تكتب فى مشاركه لها ان مسلماتى كل يوم كذا ثم كذا ثم كذا
وطبع المسلمات مختلفه من طبيبه لمُدرسه لربه منزل لطالبه لام لاطفال لبنوته صغيره لسه فى المدرسه
مش كده ؟؟؟


يتبع
رد 40947 0
58

minosh
فتكات حبوبة

٦‏/١١‏/٢٠١٠ ٣:٣٨ ص
انا معديش مسلمات يبقي ايه كل حاجة عندي بتتلخبط كل يوم بتتغير

أميرة بإحساسى
ملكة فتكات

٦‏/١١‏/٢٠١٠ ٣:٣٨ ص
كملى حبيبتى
وبمووووووووووووووووووووووووووووت ف اسمك عشان بموت ف البليلة يابليلة ياسكر انتى

ameera30
فتكات رائعة

٦‏/١١‏/٢٠١٠ ٣:٣٨ ص
الله المستعان الوقت الوقت الوقت ربنا يبارك فيك اختى اولا من المسلمات او بالادق الواجبات المتحتم علينا فعلها هى الصلوات على وقتها ومن ثم رعاية الاولاد والزوج من ماكل ومشرب وملبس وترتيب بيت وكى ملابس وشراء اشياء من الخارج مثل التسوق للمطبخ او لشراء ملابس وغيره وايضا لا ننسى صلة الرحم من كان لها اب او ام او اخوات وايضا زيارة مريض او اداء واجب نحو صديق مساعدة من يحتاج كل هذا ممكن ان نحتاجه فى يوم والوقت ضيق فبناجل حاجات اقل اهميه ومن المهام الصعبه السابق ذكرها باول الكلام ودمتم سالمين
٦‏/١١‏/٢٠١٠ ٣:٤٣ ص
الدرس الثانى
بما إننا اتفقنا على المسلمات وعارفينها كويس من غير كلام ولا تفكير
هندخل بقى على الاساسيات
الاساسيات لحته جاتوه كمثال
1. ترتيب البيت
2. صحيان العيال للمدارس والبيه لشغله
3.الطبيخ اكيد اكيد
وهكذا
المطلوب ببساطه كتابه ايه اساسيات البيت اللى مش ينفع ان فتوكه العسل تبقى فى البيت ومش تعملها
ببساطه لو حضرتك سافرتى لماما او رحتى تريحى عندها اومريضه لا قدر الله والبيت يلوص من غير حضرتك ايه بقى اللى المفروض يحصل ويمشى البيت بيه فى وجود حضرتك والبيت يتهد ويتلخبط من غيرك ؟؟
اوعى تقولى بقى ان القاعده قدام التليفزيون من الضروريات لحسن المره دى هعور بقى
المطلوب باختصار يا قمرات
تكتبى ايه هى مسلماتك وبتركيز لو سمحتى وفكرى كتير قبل ما تكتبى
وايه هى ضرورياتك اللى البيت

ومش فيه عصايا المره دى سماح عشان احنا لسه فى الاول
لكن اللى هتقرأ الدرس المره اللى جايه وهى بتركز مع حماده اللى بيزن
او ابوه اللى عايز شاى وانتى قاعده على النت ومش مركزه فى الشاى بتاعه
يلا بقى مش هقول هعمل ايه

################################

يا قمرات التنميه البشريه لكى نعالج عيوبنا يجب ان نفكر فيها بتركيز
انا كنت باخد دوره تنميه بشريه زى ما قلت لكم فى مشاركه سابقه اخدت منى سنه وكانت على النت
خلتنى ببساطه اقعد بالساعه اشرب الشاى لوحدى وأقول هو انا رايحه على فين ؟؟
لذلك اتغيرت يعتبر 180 درجه واعتقد للأفضل كتير من الاول
التنميه البشريه ببساطه بتنمى نفسك وذاتك وده اصعب من اى تغيير فى الوجود


###########################

المشاركة الأصلية كتبت بواسطة أم عمير1 السلام عليكم...
المسلمات:
1-الصلاة
2-الإهتمام بأولادى,يعنى أرضعهم و أغيرلهم....
أما الأساسيات:
1-أصحى زوجى للشغل
2-ترتيب البيت ترتيب خفيف وغسيل المواعين
3-أحضر الأكل حتى لو مش هطبخ أحضر حاجة بسيطة
و الحاجات دى هى اهتماماتى فى الفترة الحاليةلأن أولادى توأم 4شهور و ده غير نظامى خالص

اجابه صحيحه يا ام عمير
شكرا لك عليها


######################################################



اقتباس:
مسلماتى ؟؟؟؟؟؟؟
الصلاة متقطعة ونفسى اتمها واكون منتظمة
سماع القراءن وبالذات سورة البقرة
الاساسيات
اصحى جوزى وافطره وعلى الشغل
فتكات من الضروريات طبعا هههههههه
الاكل ثم الاكل ثم الاكل
والمواعين
ترويق الشقة
وعكننه عيالى عليا
واى حاجة دخيلة بقى على البروجرام بتاعى
مشوار دكتور
او نزول لشراء طلبات
او قضاء واجب



السلام عليكم
موزى حبيبتى
المسلمات ميه ميه تعالى بقى ندخل على الاساسيات
انا قلت ايه فى الاساسيات ممكن اجيب اقتباس من كلامى فى الدرس الثانى


اقتباس:
ببساطه لو حضرتك سافرتى لماما او رحتى تريحى عندها اومريضه لا قدر الله والبيت يلوص من غير حضرتك ايه بقى اللى المفروض يحصل ويمشى البيت بيه فى وجود حضرتك والبيت يتهد ويتلخبط من غيرك ؟؟


الحاجات اللى انا معلمه تحتها فى كلامك باللون الاحمر
ممكن تسألى نفسك لو حضرتك مش عملتيها هيأثر فى عدم وجودك فى البيت ؟؟
بمعنى انك خرجتى وعند ماما كام يوم استجمام اكيد
وحضرتك مش فى البيت هل جوزك والعيال هيبكوا وهيلوصوا لو انتى مش دخلتى على فتكات ؟؟
ولا هيبكوا لان مش فيه اكل فى البيت وماما مش هنا ؟؟؟
ضربت مثال للتوضيح منتظره تعديلك للاساسيات ماشى ؟؟

################################

المشاركة الأصلية كتبت بواسطة nnos2 سلماتى 1- الصلاه فى اواقاتها 2- قراءه القران 3- الجلوس مع زوجى قليلا ومذاكره دروس ابنى وتعليمه 4-التعلم فى مجال وطبعا فى حاجات موش بقدر اعملها لان موش منظمه ونفسى اعملها الاساسيات1- تنظيم البيت والاهتمام بنفسى عمل شئ رائع يدخل على اسرتى السعاده الاهتمام بعلاقتى الاجتماعيه يعنى زياره جيران اصدقاء مكالمه تليفونيه


يا قمر بالنسبه للمسلمات
انا قلت انها مهمه جدا ولا يمشى اليوم من غيرها زى ما بنغسل وشنا كل يوم وبنصلى اتوماتيك من غير نقاش ولا تفكير هصلى النهارده ولا مش ليا مزاج
الجلوس مع الزوج مش مسلمه لكن ممكن نعتبرها من الاساسيات ولا ايه ؟؟
نييجى بقى للاساسيات
قلت برضه يا قمر ان الاساسيات يقف البيت بمنتهى الوضوح لو مش حصلت
او تقف الدينا لو حضرتك مش فى البيت عشان مش عملتى الاساسيات
منتظره اجابتك يا قمر تانى

###############################

المشاركة الأصلية كتبت بواسطة رونيلا مسلماتى هى



المشاركة الأصلية كتبت بواسطة رونيلا صلاة الفجر وقراءة القران وتحفيظ الولاد القران بس
اساسياتى هى
صحيان الولاد والافطار وذهابهم الى حلقة التحفيظ فى المسجد وترتيب حجرات النوم وووضع الغسيل بالغسالة والذهاب للمطبخ لترتيبة وتجهيز الغدا ومكالمة ةماما وبابا تليفونيا ووممكن ة الذهاب اليهم يوميا لو اتيحت لى الظروف واساسى جدا شرب الشاى والنت خلال النهار حتى النوم


المسلمات ميه ميه
مكالمه ماما وبابا ليست من الاساسيات
يعنى لو انشغلتى يوم ومش كلمتيهم البيت اعتقد انه مش هيقف عندك صح ؟؟
كل اللى بالاحمر يجب الا يدرج تحت الاساسيات
لان لسه فيه باقى التصنيف هنقوله فى الدروس التاليه

##################################

المشاركة الأصلية كتبت بواسطة سيدة الزمن الجميل اولوياتى كانتزى اى ست بيت شاطرة تنضيف مذاكرة لاولادى شراء طلبات المنزل ورعاية اولادى وبس وبعدين لاقيت نفسى زدت فى الوزن ومرضت بالقولون العصبى وجائنى اكتئاب من نفس الروتين زوج طول اليوم برة وانا والبيت والاولاد وهاتك يا خدمة لو حبين تعرفوا عملت اية ممكن ارد

من غير الدخول فى تفاصيل باختصار انتى اولولياتك كلها غلط لانك ببساطه اعتبرتى نفسك خادمه فى البيت واعتبرك الاخرون ذلك وعشتى فى هذا الدور الى ان اكتشفتى انك مجرد خادمه مع انك انتى اللى وضعتى نفسك فى هذا القالب مش حد تانى



المشاركة الأصلية كتبت بواسطة سيدة الزمن الجميل اول حاجة عملت رجيم وانضميت لجيم ونزلت من وزنى وبعدين اكتشفت ان احلامى مش انى ابقى زوجة وام كنت باحلم انى اعمل حاجة لنفسى رحت الجامعة الامريكية وسجلت كورسات انجليش لكن عايزة اقولكم لن لم اقصر فى بيتى لكن اكتشف نفسى الى كانت ضايعة بي زوج واولاد وبيت

جيتى تصلحى اللى انعوج كسرتيه
يعنى مش عرفتى تعملى موزانه بين انك ام وبين انك عايزه تنمى نفسك واردتى نسيان دورك الاساسى وتضيفى عليه دور ثانوى بس مهم جدا
فاهمه حاجه ولا اشرح؟؟


المشاركة الأصلية كتبت بواسطة سيدة الزمن الجميل لكن كان فية سلبيات رغم ان نفسيتى تحسنت وشعرت ببعض الرضا لكن وجدت ان اغلبية الستات عندهم خادمة ومربية للاطفال وبيشتغلوا علشان يحققوا زاتهم كمان الامومة والكلام دة مش بقى هو طبيعى العصر وكل ماتعرف على واحدة اجدها مطلقة دة سد نفسى عن الحياة دئما الرد ان زوجى يهملنى زوجى زوجى ثم الطلاق شعرت احيانا انى معنديش دم دى اقل سبب هايف تلاقى البنت النهاردة اطلقت لكن بيرجع بقى الدين والتنشئة السليمة تقف حائل بينى وبين ان ادمر اسرتى حتى ولو كنت ف شد وجزب مع بيتى وززوجى لان البيت ام واب واولاد وليست المربيات هم من يقومون عاى تربية جيل

ممكن يا قمر تخليكى معانا وتحاولى تحققى المعادله الصعبه و لا يهزك المجمتع الخايب بهبله وغباءه ؟؟
يا جميله حته جاتوه تعيش فى وسط ناس عندهم خادمات بالكوم ولدى من الفلوس انى اجيب 3 مش واحده لكنى لا ادخل احد البيت ليس قله فلوس لكن لاسباب كتيره ان مش فيه حد يحل مكانك ولو فى تنضيف التربيزه
ثانيا مش هيبقى فشخره الاخرين بقى بالخادمات تزغلل عينى لان اللى عندهم خادمات مش نضاف اساسا وكسالى عن تنضيف بيوتهم
ليس من العقل انك عشان تاخدى حقك كام وزوجه لها احتياجات فى انها تحس انها لست خادمه بانك تدمرى بيتك
سورى مش وصلتى لسه لحل المعادله

بعتذر عن انى جاوبت هنا على الملآ وقطعت الدوره لان مشكله سيده الزمن الجميل مشكلتنا كلنا
وانا كنت شبهك بالتمام وعدلت من نفسى بعد سنين للافضل وحققت التعادل الصعب لكن بالصبر
قلت يا قمرات تعديل وتغيير النفس البشريه اصعب بكتير من اى تغير فى الكون


###############################################################



المشاركة الأصلية كتبت بواسطة ام نسك السلام عليكم ورحمة الله وبركاته
اعتذر لانى غبت الدرس الاول لظروف اضطرارية
المسلمات : هى كل عمل لابد ان اقوم به اينما كنت ولا يمكن ان يؤديه غيرى عنى مهما كانت الظروف :
الصلاة فى اول الوقت
الاذكار وما تيسر من القران
الاساسيات : هى ما يجب عليا القيام به :
القيام بدورى كأم : الجلوس والتحدث مع الابناء والاستماع والاصغاء اليهم اكبر قدر متاح من الوقت
القيام بدور ربة البيت : من ترتيب وتنظيم واكل وخلافه
قراءة الجرائد وتصفح النت ما امكن
الصلات الاجتماعية : من صلة رحم او صديقات او جيران : باختلاف الظروف
صح ولا ايه يا استاذة ؟؟؟؟؟؟

غاليتى ام نسك
عجبنى اوى تعريفك للمسلمات لكن ممكن اعدل فيه حاجه بسيطه بأنى انقله كتعريف للاساسيات ؟؟
المسلمات فعلا العمل الذى اقوم بنفسى لكن بدون نقاش فيه مثل الصلاه واجابتك صحيحه فى نقطه المسلمات
ممكن بقى نعرف الاساسيات واقتبس كلامك واقول ان تعريف الاساسيات هى كل عمل لا يؤديه غيرى فى البيت
يعنى ايقاظ الاولاد للكليات والمدارس مش هجيب ام بديله عنى تصحى عيالى يبقى ده اساسى منى ولو لا قدر الله مرضت البت احتمال كبير مش هتصحى للمدرسه او لو صحيت مش هتفطر لان ده اساسى بالنسبه لى
متقفين على ذلك ماشى

انا حاطه خط تحت الاشياء التى لايصح ان تكون اساسيات
ليه ؟؟ لانى لو صحيت النهارده ومش رحت زرت اختى يبقى اعتقد ان ميزان البيت لن يختل
هتقولى لكنها واجبات
ايوه واجبات لكن مش اساسيات ولسه فى تصنيفات اخرى فى دروس قادمه


#########################################################

المشاركة الأصلية كتبت بواسطة راجية فى الله بالطريقة دية يبقى المسلمات الصلاة فقط
ولا اية رايك؟

ممكن لكن بقليل من التعديل
لو انا فى قراره نفسى حطيت ان من المسلمات انى اقرأ كل يوم ربع قراءن وقلت لنفسى ده مسلمه مش هسيبها ابدا
نعطى مثال
فى رمضان بنصلى كلنا التروايح صح؟؟؟
لاننا ببساطه معتبرين ان التروايح مسلمه من مسلمات رمضان
مش كده ؟؟؟ بالرغم من ان التروايح سنه وليست فرض
ليه كل المسلمين اعتبروا التروايح مسلمه لا يجب رمضان و لايكتمل إلا لما نأديها ؟؟
لاننا ببساطه معتبرينها مسلمه

بالاختصار يجب ان تكون مسلماتى هى صلاه الفروض وصلاه السنن والاذكار وقراءه قراءن
هتقولى كل على حسب ظروفه
هقولك لا يا قمر لو انا حته جاتوه عامله من مسلماتى انى اصلى السسن عارفه ايه هيكون شعورى لما امرض
مجرد انى اترك السنه لانى مريضه بعتبره تقصير شديد منى لانى حاسه انه مسلمه عندى
فى حين ان فيه حد تانى شايف انه لما مرض اول مسلمه تخلى عنها هى صلاه الفرض لان ده اخر ما عنده
برغى كتير فهمتى حاجه ؟؟

######################################

المشاركة الأصلية كتبت بواسطة أمومتى هى حياتى السلام عليكم ورحمة الله

أختنا العسوله ميس صافى
معلش يا ميس سامحينا إحنا أساسا أغلبنا عمره ما فكر إيه هى المسلمات وإيه الأساسيات
جميل مهو احنا بضبط مع بعض اهو
كتر خير الدنيا إننا عارفين أسامينا
طيب الإجابه بعد التعديل والتفكير والتمحيص...
جميل اننا بدأنا نفكر بتعمن ده شيئ ايجابى فعلا
المسلمات
1- الصلاه
2- رعاية أطفالى وتلبية إحتياجاتهم
3- برضه الشاى باللبن(بجد ده مسلم أساسى عندى) ماشى براحتك يا قمر شاى بلبن شاى بلبن

الأساسيات
طبعا تنضيف الشقه يوميا
المطبخ بكل مافيه(طبيخ وغسيل مواعين)
مكالماتى مع ماما والأهل والأصدقاء
الكمبيوتر والنت


ربنا يكرمك يارب ويباركلك ومعلش إستحملينا دا إحنا غلابه ومحتاجين أى مساعده عشان نتغير للأحسن بإذن الله




صححت يا قمر رعايه اطفالى ليست مسلمه ولكنها اساسيات
ومكالمه ماما واجب ولو لا قدر الله مش كلمت ماما النهارده البيت مش هيقف والعيال هتاكل وتشرب والراجل مش هيزعل ولا حاجه صح ؟؟
يبقى مش من الاساسيات ولا النت كمان
طبعا النت من اساسياتك الان لكن عايزن نرجعه لمكانه الاصلى
عرفت انا منين ان النت مش من الاساسيات
اضرب مثال للأقناع ماشى ؟؟
بنتك لا قدر الله مرضت وتعبانه اوى لازم لازم زى ما هتوديها للدكتور هتقومى تطبخى لاخواتها ولابوها لان ده اساسى
لكن وهى عيانه وسخنه هتقولى لما اقعد على النت لان ده من اساسياتى ؟؟ولا هتلغى فكره النت لحد ما البنت تخف وتبقى كويسه ؟؟


##########################################################


المشاركة الأصلية كتبت بواسطة راجية فى الله مسلماتى
1-الصلاة
2-المحادثات التليفونية مع احواتى
الاساسيات
1-تنظيف الشقة
2-استحمام اولادى
3-الطبيخ وترويق المطبخ

الحل صح لكن اللى تحته خط لا هو مسلمه ولا من الاساسيات
ده واجب اجتماعى لسه مش فى التنصيف اللى اخدناه
ماشى ؟؟

##################################################

يتبع

ارجو عدم الرد على الموضوع حتى يكتمل
لكن ممكن التقييم





Shaza
فتكات حبوبة

٦‏/١١‏/٢٠١٠ ٣:٤٤ ص
very nice
٦‏/١١‏/٢٠١٠ ٣:٤٦ ص
يا حبيباتى انا مشتركة زيى زيكم وصاحبة الموضوع الاساسية واللى هترد عليكم هى حتة جاتوه مش انا

وارجو عدم الرد حتى اكتمال الموضوع
لكن ممكن التقييم

حتة جاتوه
سوبر فتكات

٦‏/١١‏/٢٠١٠ ١٠:٠١ م
السلام عليكم
بليله باللبن والسكر
انتى بنت عسوله ربنا يبارك فيكى ويجعل مجهودك ده فى ميزان حسناتك يارب
مش عارفه اقولك ايه تعجز الكلمات عن التعبير عما يجيش فى صدرى تجاهك ولا استطيع القول إلا ب
جزاك اللى خيرا
منتظره باقى مشاركاتك ومش هكتب تانى عشان مش اعمل فاصل
مجهودك لا يقل ابدا عن مجهود صاحبه الموضوع
شكرا لك كثيرا

روعة الاكوان
فتكات هايلة

٧‏/١١‏/٢٠١٠ ١١:٠٥ م
رائعععععععععععععععععععععععععععععععع حبيبتى , جزاك الله خيرا كثيرا , انتى اكيد عارفة قيمة هذا الموضوع ونتائجه المرجوة , ولهذا اجتهدى فى تيسيره علينا , يسر الله لكى كل امر عسير

دعاء القلوب
فتكات حبوبة

٨‏/١١‏/٢٠١٠ ١٢:٠٦ ص
بارك الله فيك والله انا جلست وقرات 26 صفحة وربنا يعلم بذلت وقت ومجهود كبيرلاني اكتشفت الدورة من يومين بس و شدتني جدااااااا و استفدت جدااااااا وحكيت لصحباتي عليها واما عرفوا انه من قبل رمضان وانها حاجه و خمسين صفحه لقيتهم مش متحمسين خالص بس دلوقتي وبعد الملخص ده هيتشجعوا جدا جزاك الله خيرااااا حبيبتي
٨‏/١١‏/٢٠١٠ ٩:٤٢ ص
المشاركة الأصلية كتبت بواسطة roki ااااااااااااااااااااااااااااااه يا صافى
بجد انا لما قريت كل البرمجة السلبية للبنات حستها فية انا
بجد وحاسة كانى محتاجة الاقى نفسى

يا قمر لما تقفى عند كل المشاركات اللى حاسه انها تعبر عنك ده شيئ رااااااائع فى التنميه البشريه
قولى لى ليه ؟؟
لانك سوف تعلمى اين قدمك الان واين يجب ان توضع
ولو حابه تعدلى ممكن ولو حاسه ان الموضوع متعب خليكى محلك سر
فهذا يرجع الى شخصيتنا
اللى هيتعب فى التغيير هيرتاح بعد كده
واللى مش ناوى يتعب نفسه شويه هيبقى زى ما هو ولا جديد بالنسبه له



المشاركة الأصلية كتبت بواسطة roki بصى بقى انا هتكلم فى حاجات كتير وانتى ردى عليا قوليلى انا صح ولا غلط واية فيهم برمجة سلبية
من قبل ما اتجوز وانا اهلى محسسنى انتى مش هاتعرفى تعملى حاجة او مش هاقدر انزل مشوار لوحدى
بعد ماتجوزت الحمدلله تقريبا بعرف اعمل حاجات حلوة كتير بشهادة جوزى والناس لكن خروج لوحدى لالالالالالالالالا
لانى حاسة فى قرارة نفسى ان مش هاقدر
اتبرمجتى سلبيا من الاخرين انك مش بتعرفى تخرجى لوحدك لذلك مش فكرتى انك تغيرى تلك الفكره وتجربى انك تقولى لا انا اقدر واستطيع ( طبعا مثال واضح على البرمجه السلبية )

بالنسبة انك قلتى لفتوكة جوزك يساعدك انو يشترى الحاجة اوك مفيش مشكلى انو يشترى ولكن اذا قلتى ساعدنى فى حاجة فى البيت لانك تعبتى ومرة يكون راضى عليكى وعشرات المرات لأ واذا اتكلمتى يتقالك انو راجل البيت وان مش متجوزك عشان يعملك الحاجة
تسعين فى الميه من الرجاله كده وان كان فيه زوج بيساعد رحمه منه للاخر فهو ليس القاعده ولا يقاس عليه

لما بطلب حاجة اوك ممكن تجيلى ولكن اذا طلبت مصروف شخصى لنفسى انتى هاتعملى بية اية مانتى اللى بتتطلبية بتلاقية
انتى فهمتى فايده المصروف الشخصى من البنات اهو ولو عايزاه طالبى بيه
مع العلم ان اى زوج عايز يريح نفسه ولوعايزه حاجه صرى عليها الى ان تصلى اليها

لما تكونى حابة تخرجى فى الويك اند معظم الاوقات انا تعبان النهاردة لما اصبحت بخرج تقريبا فى اوقات الكنترول
علما بانى لما بخرج بيكون خروج لشراء احتاجات البيت
يا قلبى اوعى تكونى فاكره ان عندى الباشا بيروح ويك اند لا قدر الله معانا
كلام فى سرك كل علاقته بالنادى انه ياخد كارنيه الاشتراك اللى اتجدد ويحطه فى جيبه الى ان ياخد غيره السنه اللى بعده
بنروح انا وعيالى لان كل واحد له وسائل الترفيه بالنسبه له
يعنى ايه ؟
هو حابب يخرج مع صحابه ( دى وسيله الترفيه له )براحته ولا ارغمه على مرواح النادى لانها وسيله الترفيه بالنسبه لى
مع الاخذ فى الاعتبار انى اروح لان دى وسيله الترفيه بالنسبه لى ( وهو حاسس ان مرواح النادى عديم الفائده) عادى جدا
المثل اللى قلته لك
لكى اقول لك ان الويك اند لابد ان يكون بالنسبه لك انتى ولا يجب ان نرغمه على شيئ مش حابه وفى نفس الوقت لا اتنازل عن شيئ بحبه انا
فهمتى قصدى؟؟؟


لما تكونى زهقتى اصلا من المعاملة اللى مش عاجبكى فى جوزك ولما بتشتكى منها بيتقلك انت بيتهيألك وان الكلام ده غلط مش بيحصل

معلش انا اتكلمت كتتتتتتتتتتتتتتتتتتتتتتتيييييييييييييييييييييييييي ييييييييييييييييييير
ولكنة ممكن يكون جزء من اللى جوايا يلا مستنياكى


روكى جاوبت فى اقتباسك معلش لكى لا انسى نقاط
يا قمر كل باشا عايز يقنعك بقناعته هو وليس بما هو صواب والعقل ينادى به
انا لست ضد ان يكون له فكره وانا اقوله ماشى جميل وفكرتك رائعه
لكن عندما تكون فكرته مجحفه بالنسبه لى وظلم جامد لى يجب ان اتوقف لحظتها
ولو انا غيرت ولو 15 فى الميه بس من حالى يبقى انجاز كبير
لانك بتغيرى فى نفس بشريه مش فى جماد
انتى نفسك عشان تغيرى من سلوك لك سيئ ( عصبيه مثلا) بتاخدى وقت كبير
ما بالك لما تغيرى فى سلوك شخص اخر
لكن صدقينى النتيجه مرضيه وليست مستحيله ابدا

##############################

المشاركة الأصلية كتبت بواسطة ام دودو ومودي شكرا ليكى يا قمر انا لى سؤال تانى نفسى اتحكم فى اعصابى مع الاولاد

يا قمر انتى بتتعاملى مع اولادك وكأنهم يقلوا ذكاء عنك وده عيب كلنا بنقع فيه
الاطفال اذكياء كثيرا عننا
بدليل ان الطفل يستغل وجودك فى مكان عام ويحرجك بالطلبات امام الناس
والطفل يستغل إنك مشغوله بالتليفون ويضرب اخوه ويعمل حرب فى البيت
والطفل بيشوف ايه اللى مش موافقه عليه ويطلبه فى وقت تكونى مضطره تقولى اااااااه له

يجب ان اعلم انه اذكى منى بمراحل واجعله يعلم انى لن يرغمنى هو على الرضوخ لطلبه إلا بمزاجى وليس ضغطا منه لى
ومهم جدا جدا جدا انك لما تعاقبيه مش تعملى العقاب فى حاجه مش تقدرى عليها مثل
مش هشترى لك هدوم عيد السنه دى لانك شقى (وانتى طبعا طبعا هتشترى بالتأكيد ) هو ذكى وفاهم كويس ان تهديدك فى الهوا لذلك يفعل ما يريد
او تقولى له مش هتروح لتيته معايا النهارده ( وهو متأكد انك مش هتسيبيه فى البيت وحده ) هيروح معاكى يعنى هيروح
كونى ذكيه فى عقابك له عقاب لا يؤذيه بدنيا ولكن فى الصميم

قولى له عقاب معقول وصممى عليه ونفذيه فعلا ان اخطأ هيبطل يستفذك وهتبطلى تتعصبى

معلش انا بقول اخطاء شائعه بين كل الامهات وفاكرين ان العيال عبيطه قصادهم وده اكبر خطأ ان لانقدر قوه الذى امامنا



المشاركة الأصلية كتبت بواسطة حتة جاتوه يا قمر الحكايه مش حكايه شغل الناس اللى عندى كلهم متجوزين برضه ونفس البرمجه السلبيه الهابله اللى انا شربتها قبلك (قال ايه بترتاح عندى ومعايا )
هو يا قلبى فيه حما هترتاح لمرات ابنها اكتر من بنتها ؟؟؟ لو فيه تبقى حاله فرديه لا يقاس عليها
بس بيقولوا كده بيضحكوا عليكى
تفتكرى بيحبوكى بجد وبصدق وفى نظرهم انتى اخت ليهم فعلا ؟؟
تفتكرى بيقولوا عنك شعر وقصائد على تفانيكى مع امهم فى عدم وجودك بينهم؟؟
مش اعتقد وألا مش حسيتى انتى انك مثقله بالاعباء

اخواتى القمرات فى الدوره
حته جاتوه مش بتقول سيره ذاتيه لها وبتحكى قصص

لكن محاوله منها لشرح تجربه مرت بيها ومعظمنا فيها الان وبتقول حلتها اذاى
[/quoteفهمت يا حبيبتى قصدك ويا رب انجح فى اجتياز الدورة بفضل الله ثم بمجهودك يا قمر

الحمد لله ان القصد وصل وشكرا لك

######################################################

المشاركة الأصلية كتبت بواسطة فتوكة الهادئة20 موضوع جميل بس قلبت علينا المواجع
اما بالنسبه للمسلمات والاساسيات فهى تختلف
زى منتى قلتى بسى
نيجى للمسلمات الصلاه القهوه بتعتى محدش هيشربها غيرى حبه تركير وصمت قبل مقوم من السرير
الاساسيات الاهتمام بالعيال اكلهم حماهم مذكرتهم
واجباتى الاجتماعيه اهلى لازم اكلمهم ازورهم
وسيله الترفيه النت اللمه مع ولادى ونعمل قعده الخروج هنا محدود يمكن يكون فيه خروج بس مدورتش
البرمجه السلبيه
مثال قبل الجواز كنت بموت فى الخروج والشراء والفرجه على المحلات احب اتفرج واشوف كل حاجه حتى لو مش هشتريها يعنى كنت اتفرج على العربيات مع انى معيش ربع جنيه
بس بعد ماتجوزت قعدت بره مصر وبقى الخروج محدود تصورى انى مش بعرف اعدى الشارع
وده طبعا السبب فيه الغربه بقيت على قد البيت الشارع بقى عالم اخر بترعب
نفسى اعمل حاجات كتير بس مش بعمل حاجه خالص يمكن لو اركز على حاجه وحده انجح
نفسى اكمل تعليمى نفسى اشتغل
بالنسه للشغل برمجت نفسى انى معرفش اشتغل عشان كده مقدمش لشغل مهو مفيش شغل وانا مبعرفش غيرى كمل واخدو كورسات ومنهم اقل منى واشتغل
عايزه اجدد فى نفسى واقول بعدين لما انزل مصر منا احتمال منزلش مصر وافضل هنا جوزى عامل شغل ومشاريع وعايز يقعد طيب امتى حاجات كتير متوفره ليا بس
مبلمش حد غير نفسى
اانا طولت بس كنت محتاجه اكلم

حبيبتى برمجه سلبيه من الاخرين ان مش ليكى شغل ولا ليكى تكملى تعليمك
فيه تعليم مفتوح ولو انى شايفه ان الشهادات لا تنبئ عن انى بفهم ومتعلمه لو اخدت دورات هتبقى كمستند لشغلى لى وهتفيدنى ولن تكون مواعيدها مقيده لحركتى مثل الدراسه النظاميه
(ويجب ان تعلمل ان طلبك سوف يقابل بالرفض لانه مش عايز يشغل نفسه ولا يتعب نفسه )
جاهدى من اجل حياه افضل لك
مش بعرف اعدى الشارع وخايفه منه ليه مش جربت مره فى مره اعرف كل حاجه وابقى اشطر من الناس اللى عايشه فى نفس البلد ؟؟
انا اعرف ست فى بلد غربه بتعمل حاجات وبتروح اماكن مش يعرفها اهل البلد ودى شطاره منها وذكاء وسرعه بديهه لكن لكى لا اظلمك ليس لديها برمجه سلبيه
جوزك شكله راجل زو مركز كبير ليه مش اقرأ جرائد واطلع على اخر اخبار شغله من الجرائد واناقشه فيها ؟
لو هو مهندس معمارى اناقشه فى الابراج الجديده واسعارها فى البلد اللى انا فيها واقوله تصدق شفت فى التى فيى ان البرج الفلانى هيبنوه فى المكان الفلانى وهيببقى جميل وتكلفته قالوا كذا (اكيد يهفتح حوار معاه لانه من صميم شغله )
احسسه انى مش فى عالم تانى
لان هو عنده برمجه سلبيه انى سورى مش ليا غير فى البطاطس زى ما بيقولوا
تطوير الذات شيئ رائع بس اللى عايز حاجه هيعملها

#############################

عن البرمجه السلبيه انا بقى حياتى تنفع كتاب عنها
اهلى ربونى على ان البنت اقل من الولد فى كل حاجه فى القدرات و الذكاء و الاهميه و مهما البنت اجتهدت مش مهم المهم انها تتجوز و تكون زوجه و ام وبس
و ده خلانى معنديش ثقه فى نفسى و ده اثر على كتير
يعنى اتخرجت من الكليه و سجلت ماجستير و اشتغلت و مع ذلك سبت الشغل علشان البيت و الولاد و برضه مش عاجب
اهلى جوزى عملت معاهم كل حاجه و استحملت منهم كتير ومع ذلك اتقال على كلام فظيع و انا كنت فاكره نفسى كده مضحيه و جوزى هيقدر ده
بس اتضح ان ماينفعش اتنازل و اقول انا كده باضحى
التنازل بيخلى الى قدامى يشوف انى ما استحقش علشان كده باتنازل مش بيقول انى كده باضحى
معلش انا اتكلمت كتير بس كلمه البرمجه السلبيه دى قلبت عليا حاجات كتير

حبيبتى البرمجه السلبيه من المجتمع ان كل اللى عليكى تعمليه تجاه زوجك وتجاه اسرته وده اقل القليل من واجبك عليهم
انا بقى عدلت البرمجه السلبيه دى وعرفتهم ان ده كرم اخلاق منى اعمله يبقى انا كريمه معاهم وان مش عملته يبقى هو مش كان واجب اساسا عليا
البرمجه السلبيه انى بنت وليس لى حقوق الولد خلاص خلصنا من القصه دى لان فات عليها الزمن خلاص
لكن فى ثقه فى نفسى واتحدى نفسى
واقول انى بعرف واحاول واثبت للاخر انى بفهم واحسن منه كمان
امال هى اسمها برمجه سلبيه ليه ؟؟
عشان هى سلبيه وبتسلبنا الاراده فى محاوله حتى تغيير مفاهيم غلط
يبقى لازم احولها الى ايجابيه

############################################################

المشاركة الأصلية كتبت بواسطة افنان 83 بس انا هقولك هو المشكلة انا فعلا مينفعش اخرج لوحدى لان انا مينفعش اسوق العربية واخرج والمنطقة اللى حواليا مش جنبى اى حاجة والسعودية بتكون حر جدا فلازم الخروج بالعربية وهو لسة ربنا مااكرمنيش بالاولاد وربنا يسهل يارب يمكن عشان كدة كمان مش بيبقى ليا انى كل شوية عايزة انزل عشان اخرج الاواد فعشان كدة بعتبر خروجتى للسوبر ماركت دى خروجة ومرة تانية يخرجنى فى الاسبوع لانة مش هيقدر يخرجنى اكتر من كدة عشان ظروف الشغل بس لو انا فى مصر بتهيالى الوضع هيختلف لانى ممكن فى اى وقت ممكن اخرج حتى لوحدى او حتى اروح لماما او انزل اشترى اى حاجة
وكل سنة وانتى طيبة بمناسبة شهر رمضان المبارك

السلام عليكم
يا افنان يا جميله انا قلت لك ان وسائل الترفيه متعدده ويجب عليكى ان تختارى ما هو مناسب لطبيعه شغل زوجك على شرط الا تتخلى عن مبدأ الترفيه نفسه بمرور الوقت
وكمان مش من المنطقى انى مش اقدر ظروف زوجى وظروف الغربه لكن ليس من العقول ايضا ان انسى نفسى فى وسط زحام الغربه
وصلت الفكره؟؟؟



المشاركة الأصلية كتبت بواسطة افنان 83 حتة جاتوة بليز انتى مردتيش على اخر مشاركة ليا انا كدة هزعل وميرسى ياجميل على الفانوس عشان انا كان نفسى فية قوى وبصر احة مافيش هنا رمضان خالص

يا قمرى كل سنه وانتى طيبه

انا برد على المشاركات بالدور ووقفت عند مشاركتك لان المغرب ادن وانا كنت على الموضوع امبارح
ينفع افطر عليه وتدينى بقى كبايه بلح و ياميش؟؟
انتى عارفه ظروف رمضان وانا قلت عليها يا قلبى ومش فيه زعل ماشى ؟؟؟
معقوله مش فيه رمضان فى السعوديه ؟؟؟
يا قلبى رمضان بنحس بيه مع الناس اللى نحبهم مش بالمكان وبس
مع عدم اهمال المكان طبعا لان به ذكريات لنا فيه
لكن تخيلى ان كنتى فى مصر ومش معاكى زوجك اعتقد ان الالم كان هيبقى اشد
مش كده ولا ايه ؟؟

#############################################################

المشاركة الأصلية كتبت بواسطة همسة حائرة 2
جزاكي الله خيرا يا جاتوهايه و فعلا كلامك تمام
انا لو النت باظ باتعب نفسيا جدا
ان شاء الله هعدد في وسائل الترفيه
و السبب انا عارفاه هو ان النت اسهل حاجه بالنسبه لي بيبقى اسهل من اني امسك كتاب او انزل و اخرج مع ولادي بسبب الكسل
ان شاء الله اعدل من الاخطاء دي

و الله المستعان

لان اللى بيحصل لك ده بسبب قطع النت وكتير مننا ذيك
لذلك بقول نعدد وسائل الاستمتاع باالنسبه لنا حتى لا نكتأب نفسيا بدون النت
اهو انتى يا قمر اللى قلتى بكسل اخرج مع انك لو عرفتى ان الخروج مع عيالك هيرفع معنوياتك ومعنوياتهم لن تتنازلى عنه ابدا

#################################################################

المشاركة الأصلية كتبت بواسطة om_mostafa ازيك يا صافى كل سنه و انتى طيبه
انا متابعه كل اللى بيتكتب بس استنتجت ان المشكله عندى انا مش برمجه سلبيه هى سلوك سلبى منى
انى مبحبش اخرج بالاولاد لوحدى علشان بيغلبونى

هو مع تحفظ زوجى شويه ان الاولاد هيبقو مسؤليه عليا لوحدى بس بالاقناع ممكن يوافق
ممكن لما يكبرو شويه اققدر اخرج بيهم

يا قمر المشكله مش فى كسلك لكن المشكله اننا عايزين نرتاح ونبقى نفسيتنا كويسه بدون بذل اى جهد

########################################################

المشاركة الأصلية كتبت بواسطة nnos2 حتهههههه جاتوه انتى بجد حته جاتوه تحفه بجد نفسى اتعرف عليكى بجد وانا اسفه على تاخير الاجابه عشان كنت تعبانه والاجابه مسلماتى هى 1- الصلاه2- قراءه القران والاذكار والاسياسيات 1-افطر عيالى وجوزى2- واذكر لابنى وتربيتهم شامله كله شئ 3-واسمحيلى الجلوس مع زوجى ان شاالله نصف ساعه4- وكمان بصراحه شرب الشاى لانى لو محصلش ببقى عامله زى المدمنين اللى مخدوش حصتهم وجباتى الاجتماعيه مش اوى فيها انا والداى توافهم الله واخواتى بكلمهم بس موش شرط يوميا وسيله الترفيه النت مع حضرتك والتصفح والخروج مع عائلتى الصغنونه

منوره من تانى يا قمر ولا يهمك فى التأخير المهم انك تكونى بقيتى احسن
اسمحى لى انا بانى اقولك لا تتنازلى عن الجلوس مع زوجك ولو ساعتين مش نص ساعه بس
و لابد ان اعوده على علاقه حميمه اجتماعيه بينى وبينه مثل ان يأكل معى دائما حتى لو مواعيد شغله مرهقه بالنسبه لى
وان اجالسه وارغى معاه واسليه بعد الرجوع من شغله
ليه بقى ؟؟

لكى يعتاد انه يوجد طقوس معينه لا تتم إلا بى وان سافرت مثلا عند ماما او فى اى ظروف يعلم هو كم انا كنت مؤثره فى حياته نفسيا

##########################################################

السلام عليكم
حبيباتى القمرات
بعد اكل القطايف والمكسرات والمحمرات والمحاشى اللى مش يتم رمضان ولا العزومات الا به نكمل ما بداناه ماشى ؟؟
عرفنا كلنا يعنى ايه برمجه سلبيه من الجتمع لنا
وكتير مننا ذكر ا مثله للبرمجه السلبيه اللى اثرت فيه
هل تعرفى بقى يا قمرايا انتى وهى انك نفسك بتبرمجى سلبيا على الاخرين ؟؟
طبعا اكيد نذكر امثلة
عندى طفلين الاول هادى والاخر شقى
كل يوم اقول للشقى انت شقى ومش بتريح نفسك وانت ...وانت ...وانت ....
انا ببرمجه سلبيا انه لا يمكن ان يكون طفل مريح وقابل للتطويع
طيب الحل فين ؟؟
لما أجد طفل هكذا لا اقوى فيه تلك الصفه الزميمه اللى اساسا ممكن واحتمال كبير مش تكون فيه اصلا
يعنى جت تيته وقالت له انه شقى اوى ( لان تيته مش عندها احتمال لافعال الصغير) هناخذ فكرتها محمل الجد ونعقد الواد
لا اعدل بقى انا واقوله لا يا قلبى انت شطور وهتصبح كويس وانت فيك صفات جميله مثل كذا وكذا واعدد له صفاته اللى الناس بتحبها فيه
ولا ادعم الصفه السلبيه فيه
هتقولوا لى انى بقول كلام غريب

طيب نذكر مثال من الواقع بيحصل معايا كتير ونشوف بتصرف فيه اذاى

حته جاتوه مد رسه بالفعل وبتدرس للطلبه ثانوى بنين فى مدرسه بها طلبه اشبه بمدرسه المشاغبين
دخلت فصل لقيت ولد الشيطان اهدى منه كتير وقف لى على البنش وقالى انا اهو يا شطوره لو قدرتى عليا اطلعى لى بقى
نوع من استفزاز الطالب للمدرس لتعجيزه طبعا
حته جاتوه عملت ايه ؟؟؟
قالت له انزل يا شطور كده لما اقولك كلمه فى ودنك عشان مش فيه حد يسمعها
الواد نزل بغلاسه تامه من على البنش
قالت له حته جاتوه " انا شايفاك ارجل واحد فيهم وواد جدع اوى وفيك صفات الرجوله وكذا وكذا وكذا "
هل تعلموا ان سلوك الطالب نفسه تغيرعلى النقيض وبقى الطالب الوحيد المهذب فيهم طبعا فى حصه حته جاتوه بس
ليه بقى؟؟؟
لانى لغيت البرمجه السلبيه اللى عنده وحسسته بانه ليس كم مهمل يعيبه الاخرين دائما وحسسته ان به صفات كثيره حلوه فبدأ هو يقنعنى عمليا انه يستحق تلك الصفات الجميله والرائعه ( مع انه فى ا لاصل لا يمتلك تلك الصفات )

إن فهمتى الدرس بقى اذكرى لى فى حياتك اذى دون قصد منك طبعا بتعملى برمجه سلبيه فى بيتك مع عيالك او مع زوجك
طبعا بتعملى برمجه سلبيه دون قصد لانك لو فاهمه مش هتعمليها اكيد

######################################

المشاركة الأصلية كتبت بواسطة بداية جديدة
يا خبر ابيض غامق
نفسى اصوت
انا كنت كل دة والله العظيم
بجد من سنة بدات اغير
بدايه مع زوجى
كل ما اطلب منه طلب للبيت يجيب حاجات غريبة

او اصلب حاجة من البقالة الاقيه جاب نص المحل ومجابش الطلب
كنت طبعا اول كلمة بقولهاله

يا مجايبك


اه بصراحة والله
منش بيشفعله عندى باقى الحاات الللى جابها للبيت


بس لله الحمد دلوقتى بطلت العادة السيئة دى
وبقيت اشكره على اى حاجة متعجبنيش
لانه زهق وكلن مقرر ميشتريش اى حاجة


تانى حاجة لسة مش بدات اصلحها
علاقتى مع بنتى ريمو عندها 5 سنين
تحسيها كدة رومانسية وحالمة
انا بحسها زنانة جدا
بتعيط علشان اى حاجة
كنت ساعات بقولها انتى بتحبى العياط اكتر ما بتحبينى
هههههههههه
اه والله وحاسة انى عقدت البنت و
كمان برمجت بباها واختها برمجة سلبية
وللاسف اللى حوالينا كمان
مع ان لما بننزل مصر
كل اللى بيشوفونا بيموتوا فيها ويقولولنا دى حتة السكر بتاعتكم
وكمان لقيت حاجة استغربتها جدا
اول سنة مدرسة
كجى 1

تخيلى عمرها ما عيطتت فالمدرسة ابدااااااااااااااااااااااااااااااااااااااااااااااا ااااااااااااااااااااااااااااااااااااااااااا

تخيلى
قالبة البيت مسرح تراجيدى
وابدا ما عيطتت فالمدرسة


جربت اشتغل معاها عالجانب الايجابى
وانتى حلوة وقمر واشطر بنت
وهادية
بس للاسف
ما استمرتش
ولسة واقفين زى ما احنا انا وهى

ربنا يكرمك لانك بتحطى ايدينا على نقاط ضعفنا ووجعنا اللى بنحاول نتجهالها علشان مانتعبش ولا نتعب نفسنا



للاسف ادركتى نعمه ان زوجك يجيب الطلبات كلها بعد ما اصبح مش يجيب حاجه خاااااااااالص
طيب تعالى نلحق البنت من ايدك بقى لحسن تطفش ههههههههههه
بهزر طبعا يا قلبى عشان نروق عليك يا كميل انت
يا قلبى مدام عرفتى الخطأ فين يبقى دى اول طريقه للاصلاح وهيبقى الطريق سهل لانى عارفه هعمل ايه وليه


#############################################################

المشاركة الأصلية كتبت بواسطة فتوكة الهادئة20 السلام عليكم
طبعا واكيد البرمجه السلبيه هتكون على ولادى لانهم على طول امامى فى المذاكره الماده ديه صعبه انت ضعيف فيها اخت اشطر مكنش بيرد يذاكر الماده معنى كنت بقول كده عشان يكتر فى مذاكره الماده ديه غباء منى
مجرد انى اقول انت مش بتعرف خلاص هو بيبعد عن الحاجه بلاش تروح سباحه صعب
برده الخوف الشديد بياخرا لطفل وبيرعه

لو افتكرت حاجه هبقى اكتبها

يا قمرى التعامل مع الاطفال فى سن المذاكره له فن وحكمه
تصدقى ان المدرسه اللى كانت بتدرس لبنتى انجلش فى حضانه كانت خريجه دبلوم وكانت بتشرح لها الانجلش والقواعد بطريقه والله انا لحد دلوقتى معجبه بيها مع ان البنت دلوقتى داخله جامعه عقبال عيالك يارب
ليه انا معجبه بيها ؟؟
لانها بتتعامل مع البيبى اللى هو 3 سنين بطريقه رائعه بتخليه يفتكر القواعد بتاعه الانجلش بالتمثيل
يعنى كانت بتمثل له الحروف المتحركه لكى يعلمها من باقى الحروف
لازم افكر جيدا كيف اتعامل مع ذلك الطفل واشترى لى كتب واقرأها عشان اعرف اتعامل معاه اذاى


#################################################

المشاركة الأصلية كتبت بواسطة أمومتى هى حياتى
السلام عليكم يا فتوكات كل سنه وإنتم طيبين ورمضان كريم علينا وعليكم

تقبل الله منا ومنكم صالح الأعمال
شوفى بأيه يا أحلى حتة جاتوه
تقريبا كدا أغلب الأمهات بيبرمجوا عيالهم برمجه سلبيه
والغريبه إنك حتى لو عارفه إن ده مش صح وعارفه آثاره بتعمليه برضه
حاجه تغيظ
يعنى أنا دارسه تربيه طفل وعلم نفس طفوله
وعارفه كويس إزاى الكلمه بتفرق مع الطفل
ومع ذلك أول ما مروان يبدأ الحركات بتاعته
ألاقينى متبرمجه على الكلمتين إياهم إنتى غاوى شقاوه إنتى غاوى نكد
حاجات زى كدا
والواد ياعينى يكرر الحاجه بعناد وعصبيه
مع إن الواد والله حتة سكره والناس بتموت فيه
على كل حال أنا عملت وقفه مع نفسى وقررت أغير حاجات كتير إدعولى ربنا يقدرنى
كل سنه وإنتى بخير وجزاكى الله الجنه عن الوقفات اللى ساعدتينا نعملها مع نفسنا




تعرفى يا قمر فكرتينى بأيه ؟؟
واحده بنتها شقيه وكل ما تييجى تشتمها تقول لها انتى ورده وانتى فله وانتى ياسمينه
البنت بتردد كلام امها على اساس انه اهانه لها وهى مش عارفه ان الكلام جميل
وشفت واحد قريبى فى السعوديه ابنه سنتين
ابنه بيشتم ابوه بيقوله انت دوت كم ههههههه
على اساس انها شتيمه
ايه رأيك فى الامثله دى
اما عن دراستك للطفوله فمش لها اى دعوه بتعاملك مع الطفل لان الدراسه نظريه والتعامل عملى وأصعب من الكلام
لما تشوفى ابنك ان شاء الله فى الثانويه العامه هتقولى انه كان ملاك وهوصغير وليس له ايه طلبات

###################################

السلام عليكم
حبيباتى اليكم قصه شيقه عن التنميه البشريه ولكى ان تقولى انتى مين فيهم ؟؟
بيضه او جزره ام حبه قهوه ؟؟

اشتكت ابنة لأبيها مصاعب الحياة .. وقالت إنها لا تعرف ماذا تفعل لمواجهتها .. وإنها تود الاستسلام .. فهي تعبت من القتال والمكابدة .. ذلك إنه ما أن تحل مشكلة تظهر مشكلة أخرى ..
اصطحبها أبوها إلى المطبخ وكان يعمل طباخا ... ملأ ثلاثة أوان بالماء ووضعها على نار ساخنة ... سرعان ما أخذت الماء تغلي في الأواني الثلاثة ...
وضع الأب في الإناء الأول جزرا وفي الثاني بيضة و وضع بعض حبات القهوة المحمصة والمطحونة ( البن ) في الإناء الثالث ..
وأخذ ينتظر أن تنضج وهو صامت تماما. . .
نفذ صبر الفتاة ، وهي حائرة لا تدر يماذا يريد أبوها ...!
انتظر الأب بضع دقائق .. ثم أطفأ النار .. ثم أخذ الجزر ووضعه في وعاء .. وأخذ البيضة ووضعها في وعاء ثان .. وأخذ القهوة المغلية ووضعها في وعاء ثالث. . .
ثم نظر إلى ابنته وقال : يا عزيزتي ،ماذا ترين؟
- جزر .. وبيضة .. و بن.. أجابت الابنة.
ولكنه طلب منها أن تتحسس الجزر ..! فلاحظت أنه صار ناضجا وطريا ورخوا ..!
ثم طلب منها أن تنزع قشرة البيضة.. ! فلاحظت أن البيضة باتت صلبة ..!
ثم طلب منها أن ترتشف بعض القهوة ..! فابتسمت الفتاة عندما ذاقت نكهة القهوة الغنية..!
سألت الفتاة : ولكن ماذا يعني هذا يا أبي؟
فقال :اعلمي يا ابنتي أن كلا من الجزر والبيضة والبن واجه الخصم نفسه،وهو المياه المغلية ...
لكن كلا منها تفاعل معها على نحو مختلف.
لقد كان الجزر قويا وصلبا ولكنه مالبث أن تراخى وضعف ، بعد تعرضه للمياه المغلية.
أما البيضة فقد كانت قشرتها الخارجية تحمي سائلها الداخلي ، لكن هذا الداخل ما لبث أن تصلب عند تعرضه لحرارة المياه المغلية.
أما القهوة المطحونة فقد كان رد فعلها فريدا ... إذ أنها تمكنت من تغيير الماء نفسه.


وماذا عنك ؟
هل أنت الجزرة التي تبدو صلبة .. ولكنها عندما تتعرض للألم والصعوبات تصبح رخوة طرية وتفقد قوتها؟

أم أنك البيضة .. ذات القلب الرخو .. ولكنه إذا ما واجه المشاكل يصبح قويا وصلبا ؟
قد تبدو قشرتك لا تزال كما هي .. ولكنك تغيرت من الداخل .. فبات قلبك قاسيا ومفعما بالمرارة!

أم أنك مثل البن المطحون .. الذي يغيّر الماء الساخن ..( وهو مصدر للألم ).. بحيث يجعله ذا طعم أفضل ؟!

فإذا كنت مثل البن المطحون .. فإنك تجعلين الأشياء من حولك أفضل إذا ما بلغ الوضع من حولك الحالة القصوى من السوء .
فكري ياابنتي كيف تتعاملين مع المصاعب...
إذن ... هل أنت جزره أم بيضة أم حبة قهوة مطحونة؟

###########################################################################

المشاركة الأصلية كتبت بواسطة بداية جديدة ا ه ه ه ه ه ه ه ه ه ه ه ه

منك ومن امثلتك

وجعتييييييييييييييييييييييييييييييييييييييييييينى
للاسف انا ينطبق عليا

الجزرة التي تبدو صلبة .. ولكنها عندما تتعرض للألم والصعوبات تصبح رخوة طرية وتفقد قوتها؟

كنت زيك يا قمر جزره واصبحت الان القهوه التى تؤثر فى الاخرين رغما عنهم


###############################################

المشاركة الأصلية كتبت بواسطة nnos2 حته جاتوه دنا خربتها على الاخر خدى عندك برمجت جوزى على الكسل يالهوتى وانه شيلنى من على الارض شيل وبقى يعمل العكس احيانا واولادى بنوتى برمجتها لما تعيط اديها اللى هى عايزها وان مفيش كلمه لا تنقال ليها دودو ابنى حدث ولا حرججججججج انت لاعبى يا اخى زى ما بدور على اللعب دور على المذاكره وهكذا بس هو والله واد عسل وبيسمع الكلام حياتى حصل لها درب شويه لما جت بنوتى مش عارفه حاسه ان السنتين اللى فاتوا حاسه انى كنت فى غيبوبه واكتشفت انى فاشله فى مسؤليتى اللى ربنا هيسالنى عنها

حبيبتى بقى بندور على وسائل الترفيه وبنزعل من الازواج انهم بيغفلوا هذا الجانب فينا واحنا نشرب عيالنا من نفس الكأس
ايه اللى جاب صله المذاكره باللعب ؟؟ هو اللعب يمنع المذاكره والعكس ؟؟
لا طبعا يلعب شويه ويذاكر شويه بس مش يضحك علينا العيل بقى
المذاكره الاول ثم حبه لعب ثم حبه مذاكره وهكذا
مش كمل اللى عليه مش يلعب بقى
نعامله بطريقه التدريب والارتباط الشرطى عارفاها ؟؟؟



المشاركة الأصلية كتبت بواسطة nnos2 ونسيت كمان اقوللك انا بعد اقول لجوزى انت مش بتتكلم معايا ليه وسيبنى اتكلم لحد انى حسيت انى رغايه تفتكرى هو ده تفكيره عنى انى فعلا رغايه لا لا دانا بوظت الدنيا عندى الحقنى انما بغرق وكمان كنت اقله انا كسلانه النا مش عاجبنى جسمى عايزه اخس معنى موش طخينه انا وزنى 65 وكل اللى حوليه يقولليى كويس انك محافظه على جسمك بعد الجواز وهكذا بينت كل العيوب اللى فيا تتفتكرى غير رايه فيااكييييييييييييييييددمن زمان صح

يا قمر كونى انى عرفت انى كنت غلط فهو اول طريق الصح
فين التصليح بقى ؟؟
يعنى قولى لى البرمجه السلبيه بتاعتى تجاه الاخرين هخليها برمجه ايجابيه كيف
وبكده يبقى حلينا اللغز الصعب واللى كتير مننا تايه فيه

###################################

المشاركة الأصلية كتبت بواسطة بداية جديدة طيب انا معاكى وهاسيبلك نفسى

لحد ما اوصل باذن الله انى اكون قهوة

ههههههه

ماشى يا قمر وانا كمان معاكى وهتتغيرى وتصبحى قهوه على الاقل فى اضيق الحدود اللى مش تخليكى جزره وتزعلى ان المياه عجنتك



المشاركة الأصلية كتبت بواسطة رونيلا كل سنه وانتى طيبه يا احلى جاتوهايه حبيبتى حقيقى المشاركخه دى بالذات جات على الجرح لان عندى ابنى ىالاوسط مجننى وحاسه انى انا السبب فى ذلك يعنى من الاخر حل المعضله دى من خلال مشاركتك الاخيره وربنا معاكى ويا ريت الله يخليكى تتكى قوى من خلال امثلتك على اولادنا

يا رونيلا لما بنعرف السبب بنستغرب احنا قد ايه مش بنفكر كويس واسهل حاجه عندنا اننا نأنب الآخر
وهذه ليست تربيه اطفال ونشئ يا قمر لكنها تربيه دجاج فى مزرعه
طبعا الفرق واضح بين تربيه الاطفال وتربيه الدجاج
نقول ببساطه والكلام للكل مش لرونيلا
تربيه الدواجن فى الحظيره بيتطلب ايه ؟؟ اننا نأكلهم ونشربهم ونغير تحتهم من فضلات وبس
وللاسف هذا ما نفعله مع اولادنا دون الاهتمام بالجانب النفسى لهم
مع اننا بنطالب الناس انهم يهتموا بالجانب النفسى لنا مش شيئ غريب ؟؟

#####################################

المشاركة الأصلية كتبت بواسطة أمومتى هى حياتى
السلام عليكم

ميس صافى
أنا للأسف جزرايه
نفسى بإذن الله أبقى قهوه ومحوجه كمان على إيدك يا قمر

ربنا يخليكى لينا يا أحلى جاتوهايه




حبيبتى تعرفى اننا معظمنا جزرايه لما بتقابل خصم قوى مثل المياه المغليه بتضعف وتلين
وللاسف الخصم القوى يعلم ذلك جيدا ولذلك بيحاول انه يستغل اننا بقينا جرزه مستويه وبيهرسها
مع ان حبه القهوه قابلت نفس الخصم
لازم تاخدى بالك ان حبه القهوه برضه نفس الخصم وهو المياه المغليه قعدت فتره فيه ليست بالقصيره واثبتت انها استطاعت تغييره

يعنى عايزه تقولى ايه يا جاتوهايه واحنا صايمين ومش مركزين

كل اللى عايزه اقوله ان الخصم مش سهل وعنيد جدا ( المياه المغليه لفتره طويله )
لكن مين هيصمد له وهيستطيع تغييره
ليه بقول الكلام ده ؟؟
لان كل واحده بتقول لنفسها إلا عيالى دول مش زى باقى العيال دول اشقيه اوى
واللى بتقول ان زوجى مش فيه اصعب منه
واللى بتقول ان ماما وبابا اصعب من الصعوبه نفسها وشداد اوى

الخصم واحد وقوى لدينا جميعا لكن من يستطيع ان يصمد الى ان يغير الذى امامه
او يغير نفسه فهذه مرحله صعبه كتير انك تغيرى من نفسك ذاتها

اقولك انا غيرت من نفسى اذاى اقرب مثال موضوع النت
كل ماالاقى نفسى قربت ادمنه اعاند نفسى ولا اقربه للايام عارفين ليه ؟؟
حتى لا يصبح ادمان بالنسبه لى والبعد عنه يصبح عذاب
حاطه فى نفسى جملة مهمه وهى ايه ؟؟
اى شخص على وجه الارض إن ضغط عليه شئ اصبح عبد له
مثال مسلسل مش قادره استغنى عنه ومش عايزه افوت منه حلقه ( انا اصبحت عبد له) ليه ؟؟
لانه بيتحكم فيا بيدفع ارادتى ولا استطيع ان اقول له لا مش هشوفك الليله
وهكذا
يارب اكون وضحت


######################################################

المشاركة الأصلية كتبت بواسطة ام دودو ومودي انا تقريبا مؤسسة البرمجه السلبيه ومش عارفه

انا دايما بقول لبنتى (انتى علطول مبتسمعيش كلامى)

وابنى الصغير بيخاف من كل حاجه ساعات كتيير اقوله انه جبان
انا كده عقدت ولادى ولا ايه الحقينى يا ميس

عشان اخلى بنتى تسمع كلامى لازم من استخدام اسلوب الثواب والعقاب
هتقولى ايه الافترى ده ؟؟
هقولك الاسلام نفسه بنى على الثواب والعقاب
من يزنى يجلد ( عقاب )
ومن يسرق يقطع يده ( عقاب)
اظن الاسلام رحيم بنا ولا فيه عقاب شديد ولا حاجه لذلك تلاقى اقل نسبه سرقات فى السعوديه لانها بتقيم الحدود كما امرنا به الله فى الاسلام
يبقى عشان البنوته تسمع الكلام مش هقطع رقبتها بقى واقول بعاقب لالالالالالالالالالا
لكى تسمع الكلام اقول لها اعملى كذا وشيلى لعبك يا قمر بعد ما تخلصى
اكيد اكيد مش هتسمع كلامى وهترميه ولا كأنها سمعته
يبقى المره اللى جايه تقولى عايزه العب اقول لها مش فيه لعب لانك مش سمعتى كلامى ولميتى لعبك
ان مش عاقبت انا مش فيه حد هيسمع الكلام ولا ايه ؟؟
اما عن خوف ابنك فتخيلى نفسك فى سنه هل هتخافى من نفس الاشياء ولا لا؟؟
ان خفتى يبقى بتظلمى الواد وعايزه شمشون بقى فى سن مش سنه
او مش خفتى يبقى الولد عايز يتعود على انه يتجرأ ولكن ليس بالاوامر والنصائح لانها ممله لنا جميعا



المشاركة الأصلية كتبت بواسطة ام دودو ومودي تصدقى انتى عندك حق انا بقالى كام يوم نفسى اخرج وجوزى مش هيقول حاجه لو اصريت بس انا مش بصر قوى يعنى بقوله عايزه اخرج يقولى ماشى وبعدين اتفق معاه ومش بنفذ الاتفاق واكسل وخصوصا ان احنا معندناش عربيه ومعاى 3 اطفال اعمل ايه انا مخنوقه جدا

يبقى الراجل عداه العيب بيقول اه لكن انا اللى مكسله
لو عندك عريبه هترميها تحت البيت وهتتمشى لان ركنه العربيه بتزل يا اختى اكتر من زله التاكسى اللى مش عايز يقف لك
بطلى تحطى حجج لنفسك عشان مكسله تخرجى
خدى العيال لاخر الشارع ومشيهم وهاتى لهم ايس كريم
هذه المهمه السهله بالنسبه لهم هترفع من معنوياتهم كتير



المشاركة الأصلية كتبت بواسطة ام دودو ومودي انا ساعات بكون جزره وساعات بكون بيضه وقليل لما اكون قهوه
اعمل ايه خلاص شكلى افشل طالبه

عشان نعرف الفرق بين الثلاثه
الجزره بتدوس عليها الناس ومش ليها سعر اساسا
والبيضه صعبه المراث ولا تقبل اى نتازلات ولا اى اعذار ولا اى استعطاف من الاخرين لها
القهوه بتقول اه انا فى ا لحياه لكنى أأثر فى الاخرين لانى لا اقبل ان اعصر مثل الجزره ولا اكون صلبه مثل البيضه
سألتى هتعملى ايه
جميل مش عرفتى العيب فين ؟؟
صلحيه بقى لان كتير مننا عايش ولا هو عارف بيعمل ايه ولا رايح فين
انتى بقى عارفه الان رايحه فين وتصلحى ايه فى نفسك وعيالك
الطريق الصح انتى عليه اهو امشى فيه بقى

##########################################################

المشاركة الأصلية كتبت بواسطة دوديا2010 اعتقد ان مش في حدد عاملي برمجة سلبية ولا انا بعمل برمجة سلبية لحد
بس في برمجة سلبية لنفسي (تنازلات) يعني دايما حاسة اني في غربة ومش هاعرف استمتع بوقتي الا لما ارجع مصر دايما احس ان وقتي ضائع دون فائدة

السلام عليكم
حبيبتى دوديا اولا كل سنه وانتى طيبه
انتى معانا من الاول وفاكره موضوع الحصان المدلل اللى بياخد قطعه السكر بتاعته اثناء اليوم مش فى اخره صح ؟؟
طيب ليه بتأجلى قطعه السكر بتاعتك الى ان تنزلى مصر ؟؟
هتقولى عشان يبقى ليها طعم مع اللى بحبهم
ماشى موافقاكى لكن فكرى ان قدر ربنا واتأخرتى فى النزول سنه او اثنين لظروف خارجه عن ارداتك هيبقى حالتك شكلها ايه؟؟
ليه قارنه الاستمتاع بوقت معين ؟؟
وايه المانع انى استمتع بوقتى فى حدود الوضع اللى انا فيه الان الى انا ارجع مصر واستمتع بيه مع اهلى؟؟

######################################################

المشاركة الأصلية كتبت بواسطة om_mostafa hالسلام عليكم انا بقى قبل كده كنت دايما جزره و لكن بحاول اعدل من نفسى ساعات ببقى جزره و اوقات ببقى قهوه

لكن نفسى دايما ابقى صلبه انا عارفه مشكلتى بس مش قادره اتغلب عليها و هى الخجل عندى زياده لدرجه انى ممكن اضيع حقى وممكن مقدرش انصح اللى قدامى من كتر الخجل

اما بالنسبه لولادى كنت دايما اشتم ابنى و اقوله الفاظ ممكن تجرحه لكن دلوقتى بحاول اسيطر على نفسى علشان مدمروش
بس دايما لما يعمل حاجه حلوه بيبقى فيه مكافاه على قد امكانياتى
لكن المشكله اللى بتواجهنى ان جوزى لما يوعده ان لما يعم ل الشىء ده كويس هجبلك حاجه اول ما ابنى يبدا يعمل يروح جايبله المكافاه ميستناش لما يخلص
كمان ممكن تقترحى عليا انواع من العقاب
لان مقداميش غير انى امنعه ينزل لجده او يدخل يقعد فى الاوضه لوحده

ام مصطفى فيه فرق كبير بين الخجل وبين انى اضيع حقى
تذكرى ان المسلم القوى خير واحب من المسلم الضعيف
يعنى انا ابقى قويه واتنازل عن حقى بمحض ارادتى وليس لانى ضعيفه او خجوله

اما عن ابنك فالمكأفأه له فى السن الصغيره لابد وانت تكون سريعه كما يفعل ابوه لانه صغير ولا يستطيع يؤجل المكافأه
لو قلتى له هتعمل كذا وتاخد شيكولاته صغيره الان ولا تعمل كذا وكذا وكذا وتاخد بكره شيكولاته كبيره
هيقول لك الشيكولاته الصغيره الان ( لان الطفل سريع فى طلباته وسريع فى انه ياخد النتائج )

العقاب انواع وبذكائى احدد انا ايه اللى بيحبه الطفل واحرمه منه لكن ليس قطع رقبه بقى
يعنى على قد الغلط يبقى العقاب عشان ان زود فى الغلط تبقى العقوبه اقوى
يعنى لو مش لم لعبه بعد ما يلعب بيها اجى على اللعبه اللى بيحبها هو اوى واحرمه منها واسيب له باقى اللعب
وان مش استجاب احرمه من شيئ بيحبه
لكن تأكدى ان الاطفال مثل الكبار لا يريدون ان يحرموا من اشياء يحبونها لذلك لن يستمر فى العناد
واياكى وضربه لان الطفل بيعمل اللى عايزه وبعدين يقول علقه تفوت ولا حد يموت عاااااااادى جدا
العقاب النفسى اشد واقسى على الانسان من العقاب البدنى لكنه يؤثر فيه جدا

################################################

المشاركة الأصلية كتبت بواسطة فتوكة الهادئة20 السلام عليكم
اكيد انا جزره دنا ممكن اكون طماطم كمان بس محبش اكون بيه احب اكون قهوه نفس اغير من نفسى واغير من الاخرين نفسى الاشخاص الصعبين احبهم ويحبونى نفسى اعاند مع الدنيا واثبت وجودى مش عايشه وخلاص دنا اقل كلمه بضايقنى وتنكد عليا
بس دا محتاج وقت ومتاج اسلوب اكون الربيت عليه من صغرى

يا قلبى بتبكى وبتضايقى من اقل كلمه تتقال لك
طيب اللى قدامك بيتأثر لما انتى بتزعلى ؟؟
بالتأكيد لالالالالالالالالا
لانك قررتى تزعلى يبقى براحه راحتك ياجميل انت
سؤال يعنى ايه نفسى الاشخاص الصعبين تحبيهم ويحبوكى ؟؟
مش فاهمه الجمله صراحه ممكن توضيح لها ؟؟
يا قمر باختصار لكى ت كونى حبه قهوه تؤثرى فىالاخرين يبقى لابد من قليل من الصبر لكى نصل الى المراد
وكمان لابد من احتمال الخصم الصعب وهو المياه المغليه
فهل تستطيعى ذلك؟؟

#########################################################

المشاركة الأصلية كتبت بواسطة فتوكة الهادئة20 السلام عليكم
صراحه انت انسانه جميله ياحتت جاتوة بجد ياريت نكون اصحاب ويكونى ليا 100 صحبه زيك كلامك مؤثر وموقنع جدا
سؤال يعنى ايه نفسى الاشخاص الصعبين تحبيهم ويحبوكى ؟؟
مش فاهمه الجمله صراحه ممكن توضيح لها ؟؟
يعنى احيانا بقابل ناس من اقاربى او اقارب جوزى بيكرهونى وبيغيروى منى نفسى احول الغيره والكره لصداقة لصله لرحم
معلش خياليه
يعنى زى القهوه اغير الى امامى

كمان عندك حقق لما بزعل او اضايق نفسى مش بتفرق مع حد انا الى بتعكنن وزعل

السلام عليكم
حبيبتى يسعدنى جدا اننا نكون اصحاب ولو اننا اصحاب بالفعل عن نفسى شايفه كده
كونك بتبكى كتير كلام فى سرك يا قمر كنت زيك واصعب لدرجه ان اللى يقولى السلام عليكم ابكى عارفه كام يوم ؟؟ 3 ايام متواصله لا امل ولا ازهق من البكاء ولقيت انى لوحدى اللى بيتنكد عليه والكون ماشى عااااااااادى جدا ولا كأن فيه حاجه حصلت فقررت اعدل من نفسى
تعرفى التغيير اللى اقصده ايه ؟؟
انى اغير من نفسى لما اكون ضعيفه طول الوقت وجزره وطمطمايه وكل شيئ بيهان وليس له قيمه لذلك قررت انى اكون انا وليس شيئ مهمل لا قيمه له عند الناس
وقررت انى اعدل فى سلوك الاخر اللى قدامى لكى يرانى واقول له انى هنا ولست خادمه ولست هاوس كيبر ولست مدام سى السيد عبد الجواد عارفاه ؟؟؟
لكن مش بغير فى اللى بيكرهونى لانى كده بطلب المستحيل يا قلبى
وقررت اعامل بهذا البيت اللى بيقول
احبب حبيبك هونا فإنه بغضيك يوما ما
واكره عدونك هونا فإنه حبيبك يوما ما
يا ترى فهمتى بيت الشعر؟؟

##################################################

المشاركة الأصلية كتبت بواسطة ام نسك السلام عليكم ورحمة الله وبركاته
لى تعليق بسيط لو اذنت لى استاذتنا : صافى
ياترى حبة القهوة اللى اثرت فى الماء المغلى واكسبته لونها ونكهتها ومذاقها بل وايضا اسمها : هل ظلت حبة قهوة ؟؟؟
انها بقدر ما اثرت فى الاخر بقدر ما تلاشت فيه وذابت واصبح من المستحيل التمييز او الفصل بينهما
بينما الجزرة صحيح انها لانت ولكنها مازالت محتفظة بلونها وربما شكلها ومن الممكن الامساك بها -- وكذلك البيضة
انا لا اقصد ان الجزرة احسن ولكنى فهمت اننى لو اردت التغيير الشامل لمن حولى والتاثير الكامل فيهم فلابد ان اتغير انا ايضا واذوب لينتج مكون جديد متجانس ِِِِ
ِ

غاليتى ام نسك
سؤالك رائع وجميل ويستحق التدقيق فيه
كلامك صح وفعلا فى محله ان حبه القهوه التى اثرت فى الاخرين من الطبيعى ان تتغير هى فى حد ذاتها عن قبل التغيير وعن قبل الوضع فى المياه المغلية ( الخصم القوى )

و ايضا كلامك عن التغيير الشامل فى محله كما ذكرتى فى اخر سطر من كلامك

لكى اغير من حولى يحب ان اتغير انا من داخلى

وهذا ما حدث معى بالفعل تغيرت عن ذى قبل واصبحت اكثر صلابه مع الاحتفاظ بالصفات الرئيسيه لى
فلم اتخلى عن اخلاقى وعن طباعى الاصليه لكنى غيرت السلبيه فيها فقط

كما اثرت حبه القهوه فى المياه لكنها لم تصبح على سبيل المثال كابتشينو او نسكافيه
لا حرمنى الله من اسئلتك ولا نقاشاتك المثمرة

#################################################

المشاركة الأصلية كتبت بواسطة ام دودو ومودي انا ساعات بحس انى قويه ولا اقبل اى تنازلات وبعدين حاسه انى بقيت جزره راضيه بالاوضاع الحاليه واهى ماشيه وخلاص بس فى بعض الاحيان بحس انى باثر فى اللى حواليا انا بحس ساعات انى منقاده بدل فى قائد وماشى صح من وجهة نظرى لكن لو القائد غاب تطلع حتة القيادة والتاثير فى الاخرين انا اسفه انى بطول عليكى بس ارتحتلك جدا وربنا ممكن اقولك صافى يا ميس

جميل انك عارفه تخصصى طبيعتك فى جميع الحالات
وان كنتى حاسه ان الحالات طبيعيه ولا فيه شائبه يبقى مفيش مشكله
لكن ان حسيتى انك لما بتكونى جزره بتحسى بانك بتتنازلى عن اقل حقوقك مضطره وغصب عنك يبقى هنا النقاش
منوره واكتبى براحتك فتحن هنا للنقاش المثمر وليس درس خصوصى

########################################################

المشاركة الأصلية كتبت بواسطة افنان 83 بصى ياحتة جاتوة انا بردوا زيها بس بحاول على قد ما اقدر انى اسعد نفسى بس المشكلة ان دة مش بيحصل لانى مش انا الوحيدة اللى متحكمة فى حياتى لانى فى عامل تانى معايا وهو جوزى لانى لازم اكون ملتزمة بية طبعا ودة بيكون على حسب ظروفة طبعا ومش دى برمجة سلبية انا مش حاسة بكدة بس حاسة كدة ان هو اللى عندة برمجة سلبية

جميل جدا السؤال والاجابة مقنعة جدا وربنا ميحرمناش منكم انتوا الاتنين

يا جميله اكيد مش فيه حد متحكم فى حياته حسب اهواءه
واكيد اكيد فيه زوج بينظم ويبقى قائد البيت والمسيره
حته حاتوه على قد ما بتقول وبتنادى فى حقنا فى الترفيه وهو ضروره بالنسبه لنا كفرد من افراد البيت
هى نفسها بتقعد تحت رجل زوجها تغسله رجله بالمياه كما تفعل مرات سى السيد
ولا يوجد اى تناقض ابدا لان من حقوقه انه يرتاح معى وبالطريقه اللى تريحه
وفى نفس الوقت لا اهمل حقوقى ولا بد ان ترجع لى لكن بحكمه وبفطنه لكى لا ارجع لاهلى بقى
يعنى ما سلب منى بالراحه وعلى مدار السنين استرجعته بالراحه برضه على مدار شهور
فهمتينى ؟؟



المشاركة الأصلية كتبت بواسطة افنان 83 انا كمان بحس نفسى جزرة وان شاء الله هكون فى طريقى الى انا اصبح مثل القهوة على قد ما اقدر ان شاء اللة

ولكى اصبح حبه قهوه لابد من الصبر لكى استطيع ان اتغير واغير من حولى
ومش هيبقى فى يوم وليله اصحى الصبح الاقى اللى حوليا اتغيروا وانا كمان
انظرى الى حبه القهوه قعدت فتره فى المياه المغليه يعنى ( شيئ من الصبر ) لكى تستطيع التأثير فى الخصم الصلب
وقدرت حبه القهوه صح ؟؟

##############################################

المشاركة الأصلية كتبت بواسطة أمومتى هى حياتى
الله يفتح عليكى يارب
كلامك فى الصميم دايما يعنى لازم أقوى من نفسى وأعدل فى سلبياتى عشان أقدر أواجه الخصم
أنا بدأت فعلا أطبق ده وعملت أمثله زى اللى ذكرتيها
ببعد عن النت شويه عشان ماحسش إنه مأثر عليا وبيتحكم فيا
وحاجات كتير بدأت أراجع نفسى فيها

ربنا يبارك فيكى ويجعل تعبك معانا فى ميزان حسناتك يارب

جميل اوى ان بدأنا نتغير للافضل
يا قمر لو انا عدلت من نفسى ومن الاخرين بنسبه عشره فى الميه بس يبقى انا نجحت بالفعل ونجاح كبير جدا كمان
لانى بغير فى نفس بشريه
ده انا لما بقول لابنى حاجه مش بيرضى يسمع كلامى يبقى هغير اللى اكبر منه ؟؟؟
لما بغير اللى اكبر منه بنسبه قليله يبقى انجاااااااااز ليس له مثيل
هتقولى انجاز بسيط هقولك لما تقارنى بين قبل التغيير وبعده هتلاقى فيه راحه كبيره
هتجربى وتشوفى بنفسك

انا مش بغير من طباع الباشا يا بنات افهمونى
انا كل اللى بحاول اغيره بس نظرته لى فقط لا غير

بما ان حماده طول النهار بيلعب وابوه بيستمتع بوقت فراغه كما يشاء انا من ضمن هذه المنظومه فى البيت
يبقى لكى يصبح لى وقت للترفيه اقعد فيه على النت مثلا بدون التريقه والاستهزاء بى
يبقى لازم الطرف الاخر يغيرمن وجهه نظره لى ويبص لى على ا نى شخص موجود فى البيت ومن حقه ان يكون له وقت يرتاح فيه دون اعباء ولو لساعه فقط
يارب اكون وصلت المعلومه بسلاسه ومش فيه حد يتوه منى

#######################################################

المشاركة الأصلية كتبت بواسطة كاجو كاجو اول مرة تحصل انا قرأت ال19 صفحة كلهم مرة واحدة وبدقة شديدة
الصراحة الموضوع عجبنى جدا وبما ان حتة جاتوهايه فاتحة باب الاشتراك لأى حد فانا خلاص اشتركت ودى اجاباتى
اولا مسلماتى
الصلاة على وقتها حفظ الربع الجديداللىعليا من القران ومراجعة اللى فات اما الاذكار فهخليها من المسلمات من دلوقتى
ثاتيا الاساسيات
تصحية جوزى للشغل وتنفيذ كل طلبات ابنى وكل احتياجاته من (رضاعة -اكل -حمى-لعب-........)
البيت من اكل وتنضيف وكل حاجة فيه بس بصراحة مش بانتظام
ثالثا الواجبات الاجتماعية
بكلم ماما واختى واخويا كل يومين تلاتة وبزورهم كل اسبوع او اسبوعين
اخوات جوزى بكلمهم يعنى كل اسبوع بس مش بروحلهم كتير
اما اصحابى هى تليفونات بس عشان خاطر هما بلد وانا فى بلد
رابعا الترفيه
اولا الهوايات بعرف اعمل حاجات كتير يعنى بشتغل كروشيه وبعرف اشتغل خرز وبحب الحاجات دى جدا بس للاسف مش بعملها لان مفيش حد بيشجعنى
ثانيا الخروجات بخرج لما مزاجى يجيلى مع جوزى عشان انا اصلا مش بحب الخروج فوقت مابقول عايزة اخرج بيخرجنى والمكان اللى عايزاه كمان
ثالثا النت وده اساسى وانا فى البيت لوحدى لكن لو عند ماما مابفتكروش اصلا اما التليفزيون مش بحبه بس بتفرج عليه كتير جدا جدا لمانفسيتى بتبقى تعبانة
اما بالنسبة للبرمجة السلبية فهمتها كويس جدا بس ماعنديش امثلة دلوقتى
لكن البرمجة السلبية اللى بعملها الصراحة بعملها فى اخت جوزى كل مااشوفها اقولها انتى كسيلة لحد هى ما صدقت انها كده
بالنسبة للمثال بتاع الجزرة والبيضة والبن
انا زى البيضة مابحبش حد يغير فيا حاجة ولو حد قربلى باهانة او سوء بعتبره عدو
معلش طولت عليكى بس بجد والله انا حاسة بفرق كبير جدا بين اول ماقتحت الموضوع وبين دلوقتى بعد ما خلصته كلمة كلمة

اولا تشرفى يا قمر وفعلا باب الاشتراك مفتوح بس مش بحب ارحب بكل عضوه جديده فى الموضوع عشان لما تدخلى تقرى الصفحات مش تلاقى نصها تراحيب وتزهقى
ثانيا برحب برضه مش بطنش بس على الخاص
ثالثا مسلماتك صح كلها وميه ميه
رابعا الاساسيات جميله فعلا ولا غبار عليها
الاجتماعيات رائعه هى كمان
نيجى بقى للهوايات بتقولى مش بعمل عشان مش فيه تشجيع من الاخرين
هو انتى عملتى وانا قلت لك وحش ؟؟
وبعدين لما بعمل حاجه زى دى ببقى صماااااااء امام الاخرين بمعنى
انى بعمل اللى يعجبنى وبحس انه صح وبيريحنى وبمرورالوقت الناس بتعجب بموهبتى وبيشجعونى لكن فى الاول بعمل وانا صماء لكى لا اسمع اراء الاخرين وتتهد عزيمتى
البرمجه السلبيه انتى عملتيها فى اخت زوجك يبقى لازم نصلح بقى لانها زمانها يا عين امها اتعقدت هههه
بهزر يا قمر يعنى بنكشك شويه
عارفه لما بكون مضايقه من حاجه بعمل ايه ؟
بشتغل فى البيت وبركز شغلى فيه لكى اشغل زهنى عن الشيئء اللى مضايقنى والنتايج صراحه بتطلع رائعه لانى بتشغل بزمه وضمير
يعنى بحاول اضيع الوقت فيما هو مفيد مش زى ما الناس اللى بتطلع زعلها فى الاكل وبعدين تضيع فلوسها على دكاتره الرجيم
اما عن سطرك الاخير عن البيضه واتخاذك اى شخص عدو لك لانه فى نظرك اهانك
احاول بقى اعمل اسبوت على العيب ده واصلحه واكيد اكيد هنجح لانى عارفه هصلح ايه

###################################################

المشاركة الأصلية كتبت بواسطة Nuna السلام عليكم

انا عارفة انى تأخرت فى الواجب بس ده علشان الاساسيات و الترفيه عدى تغيروا من يجى شهر و نصف
لانى مش موجودة فى مصر دلوقتى و كما سبت شغلى فى مصر

المسلمات:الصلاة على اوقاتها
قراءة ما تيسر من القرءان

الاساسيات:الاهتمام و الاعتناء بأولادى و زوجى
شغل البيت و المطبخ
الاعتاء بنفسى و مظهرى
مكالمة أهلى و اخوتى كل يومين او تلاتة
اساسى جدا ماج السكافيه بعد الافطار

الترفيه: التى فى
النت
و ممكن لما ازهق جدا و افقد الامل ان جوزى يخرجنا انزل مع الاولاد نلف بالسيارة و اجيب لهم ايس كريم مثلا و طبعا مش ببعد عن المنطقة اللى ساكنين فيها لانى لسة جديدة فى البلد

حبيبتى سبتى شغلك فى مصر الحمد لله
لما ترتاحى فى البيت وتعتنى بالعيال هتعرفى ان شغلك فى مصر كان مصدر عذاب لك وليس راحه
لان كما يقولون صاحب بالين كداب
صاحب بالين يعنى بال وبال المثنى بتاعها يعنى
يعنى اللى بيهتم اما بشغله ويهمل البيت او العكس
الاساسيات والمسلمات جميله لا غبار عليها مع انى شايفه ان مج النسكافيه ليس اساسيات ولكنه ترفيه
اقنعك انه مش اساسيات ؟؟
ان صحيتى الصبح ولقيتى ابنك سخن هتروحى تعملى ماج النسكافيه الاول ثم تتصلى بالدكتور ولا هتعملى ايه الاول؟؟؟
ان بدأتى بالنسكافيه يبقى اساسيات طبعا
انتى عارفه انا ليه بخصص اوى الاساسيات ؟؟؟
عشان لما نيجى نرتب الوقت فى اليوم هنعرف ايه اللى هيتخلل ايه
مش عشان اقول ايه الاول ثم التالى
هفسر بعدين ان لم تفهمى الى الان

###############################################

المشاركة الأصلية كتبت بواسطة ام دودو ومودي انتى سكر والله
انا كنت عايزه اقولك على حاجه بخصوص اولادى هما عملوا حاجه غريبه من سنه كانوا بيقلدوا توم اند جيرى ونطوا من الدور التانى
الحمد لله محصلهمش اي حاجه غير كدمات بسيطه من بعدها حاسه ان الولد بقى جبان شويه بس فات كتيير كان عندهم دودو 4سنه ونص ومودى 2سنه ونص دودو بحسها قويه وعدت الموضوع بسرعه بس مودى اخد وقت اطول هو بدأ يتغير شويه للافضل وبقيت اشجعه على حاجات كتيير بس المشكله بحس انى مش عندى صبر

حبيبتى الولد لسه خايف لان انتى مش واخده بالك او تناسيتى ان فيه فروق فرديه بين الناس وانهم ليسوا شبه بعض حتى لو كانوا توائم
لذلك قارنتيه باخته اللى اجتازت الازمه بسهوله
لو فكرتى شويه هتلاقى الولد نفسه فيه حاجات كتيره متميز فيها عن اخته بس انتى عايزاهم اشباه لبعض وده صعب جدا
ياريت تحطى نفسك مكانه اكيد اكيد مش هتتحركى من مكانك بعد كده
اما عن توم وجيرى فاحمدى ربنا انهم نطوا ولم يصابوا بشيئ يذكر
انا اعرف طفل حب يعمل زى العصفوره ويطير وفتح الشباك وامه لحقته على اخر لحظه
وده يرجع الى برامج الاطفال الرائعه اللى بيشوفها اطفالنا

###########################################

اقتباس:
أشكرك على اهتمامك و ردك على

انتى عارفة ان اللى كان من سنة فاتت يقول انى ممكن اسيب الشغل عمرى ما كنت أصدقه لانى بجب شغلى جدا و كنت الجمد الله ناجة فيه و برضه لم أهمل بيتى و أولادى
لان ماما كانت شايلة عنى كتير ربنا يديها العافية .
و ما بدأت مشاكل ورا بعض و غلاسات و مقدرتش أستجمل وخدت قرارى ان نسافر لجوزى فى الاجازة لانه فى بلد تانى م والى سنة.

بجد ارتجت من موضوع الالتزام بالمواعيد والسواقة فى الزجام الرهيب و اكيد وقتى مع الاولاد زاد و قدرت مثلا أشترك لابنى فى أنشطة رياضية أكتر فى النادى

عرفتى ياقمر بقى ان الشغل صعب اوى توافقه مع شغل البيت
بدليل ان ماما كانت بتساعدك يعنى لو وحدك كنتى زمانك بتكلمى نفسك
وانتى بنفسك قلتى ان اهتمامك بالاولاد زاد اهو
ربنا يخليكى ليهم وتديهم اكتر

#####################################

المشاركة الأصلية كتبت بواسطة افنان 83 انت عندك حقا طبعا بس المشكلة انا بحس ان انتا بقول وبنادى بحاجات وبرضوا مش بتتسمع انا بحاول اكون زى القهوة زى ما انتى قولتى بالصبر لازم اكيد
بس اكيد الموضوع هياخد وقت ولازم افضل وراة عشان احقق اللى انا عايزة ودة يكون فى صالحنا كلنا ولا اية رايك

افنان جميل اننا متفقين اننا لازم نصبر لكى ننال ما نريد
وفعلا كما تقولين الموضوع هياخد وقت
عارفه ليه ؟؟
لانك فقدتى حقوقك بمرور الوقت مش صحيتى لقيتى نفسك هاوس كيبر فجأه كده بدون مقدمات
تنازلتى عن حقوقك على مرور الوقت وعايزه تاخديها فى غمضه عين ؟؟؟
الموضوع عن جد عايز صبر ومثابره لكى نصل الى الهدف وهو انى احس انى موجوده فى الحياه ولست كرسى فى البيت

##############################################

السلام عليكم
حبايبى القمرات كل سنه وانتم طيبين
بدأنا نتعود على طقوس رمضان لا حرمنا الله منها جميعا ولا حرمنا من رحمته ومغفرته فى شهر العتق من النار
نكمل ما بدأناه بقى
لكى ننظم الوقت يجب ان اسأل نفسى لماذا تم الترتيب هكذا ؟؟
1. مسلمات
2. اساسيات
3. اجتماعيات
4. ترفيه
يعنى ليه مش سألت عن الترفيه قبل الاجتماعيات بالرغم من انى قعدت صفح كتيره اعدد مزايا واهميه الترفيه ( قطعه السكر) بالنسبه لى وانى لازم اخدها وتكون حق لى وليست منحه من الاخرين

ببساطه شوفى يومك فى رمضان قدمتى ايه على ايه الاول لان دى الطبيعه بتاعتنا
اول وتانى يوم بالذات قدمتى الاجتماعيات والافطار مع الاهل عن الترفيه
مع ان معظمنا قال ان النت اساسيه بالنسبه له فى الاول صح ؟؟
طيب لو النت بالنسبه لك اساسيه ليه لما جيتى تعزمى حماتك ومامتك مش قلتى لها معلش اصلى متابعه دوره فى النت مهمه ومش ينفع اعزمكم قبل ما تخلص لانى مشغوله بها
لانك اتبعتى الطبيعى والمنطقى واللى بينادى به العقل
يبقى النت ليس من اساسياتى مش كده ولا ايه ؟؟؟
لانه لو كان من اساسياتى كنت قدمته على اجتماع اهلى واهل زوجى سواء عندى او عندهم صح ؟؟؟
دى نقطه حبيت ا وضحها لكم بالمنطق

#################################

نكمل بقى باقى الدروس

ممكن تفكرى كويس قبل ما تكتبى لى اجاباتك عن الاسئله الاتيه ؟؟

1. ما هى اهم ثلاث اشياء بتعمليها فى البيت كل يوم؟؟ "وليس المهم ترتيبها" المهم اهمها على الاطلاق فى حياتك

2. ما هو الشيئ الذى يميزك عن الاخرين وبيخليكى مختلفه عنهم تماما ؟؟

3.ما هى الاعمال اليوميه اللى لما بعملها بستمتع بأدائها ؟؟

4. ما هو الهدف الذى اسعى لتحقيقه فى حياتى وهو نصب عينى دائما ؟؟؟

منتظره اجاباتكم لكن بعد التركيز فى الاسئله والتفكير جيدا فى الاجابات


####################################

المشاركة الأصلية كتبت بواسطة om_mostafa اهم ثلاث اشياء هى
الصلاه وترتيب البيت والاكل و احفظ ابنى القران
الشىء الذى يميزنى
بفكر بعقلى مش بقلبى مع انى باخد على دماغى كل خبطه و التانيه بسبب قلبى
الاعمال اللى بستمتع بيها لما بعمل اى حاجه تبسط الاولاد و يبان عليهم الفرحه
الهدف
ان ولادى يكونو من حفظه القران و انا كمان

ام مصطفى جميله اجاباتك
لما بتكلم على اهم 3 اشياء اقصد بعد الصلاه والعبادات لان المسلمات خلاص عرفنا انها مش فيها تفكير ولا نقاش هتتعمل يعنى هتتعمل
وباقى اجاباتك صح
لكن هل فى نفسى حاطه هدفى نصب عينى ؟؟
سؤال يطرح نفسه لنا جميعا

##########################################

المشاركة الأصلية كتبت بواسطة ام دودو ومودي
1. ما هى اهم ثلاث اشياء بتعمليها فى البيت كل يوم؟؟ "وليس المهم ترتيبها" المهم اهمها على الاطلاق فى حياتك
الاكل وطلبات الاولاد ونضافة البيت

2. ما هو الشيئ الذى يميزك عن الاخرين وبيخليكى مختلفه عنهم تماما ؟؟
استطيع ان اتكيف مع اى ظروف

3.ما هى الاعمال اليوميه اللى لما بعملها بستمتع بأدائها ؟؟
لو عملت اكله جديده او لما احس ان البيت نضيف جدا

4. ما هو الهدف الذى اسعى لتحقيقه فى حياتى وهو نصب عينى دائما ؟؟؟

انا بقالى تقريبا 5 ساعات بفكر فى الاسئله وخصوصا الهدف


انا معنديش هدف واضح تصورى مشكله مش كده

انا ساعات عندى اهداف قصيرة المدى

انا نفسى ولادى يكون سبب دخولى الجنه بس مش نصب عينى دائما

انا بحاول احفظ دودو القران بس بعد الولاده مركزتش معاها تانى





ام دودو بقالك خمس ساعات بتفكرى فى هدفك جميل
لان ده معناه انك بتدورى تحطى رجلك فين لانها فيما سبق كانت ماشيه مش عارفه رايحه فين
الهدف من السؤال اهو واضح لك الان
اين اضع رجلى وايه هو هدفى فى الحياه لكى اسعى له ويكون نصب عينى
لانى مش عايشه جهجهونى بقى ولا كما يترائى لى ويترائى للجميع
اللى فات من حياتى خلاص عدى اللى باقى منها بقى اعرف انا عايزه ايه لكى اعرف الطريق له فين
يعنى اعرف انا ناويه على ايه لكى اسلك له طريقه
فهمانى ؟؟

###################################################

المشاركة الأصلية كتبت بواسطة بداية جديدة
ما هى اهم ثلاث اشياء بتعمليها فى البيت كل يوم

طبعا دة بعيدا عن العبادات على حد فهمى

بما ان مش لازم ترتيب يبقى

1/ ترتيب غرفتى

2/ الغسيل
والمكواة
3/ الطبخ

ما هو الشيئ الذى يميزك عن الاخرين وبيخليكى مختلفه عنهم تماما ؟؟

نعمة الرضا

ما هى الاعمال اليوميه اللى لما بعملها بستمتع بأدائها

اقرا فالمصحف مش عالنت بستمتع بمسك المصحف
الجلوس مع زوجى نتكلم

احفظ البنات قران ودة بصراحة جديد عليا بس استمتعت بيه جدا

لعبة عالنت بستمتع بيها جدا
املا البانيو ماء ساخن وانسى دنيتى شوية

ما هو الهدف الذى اسعى لتحقيقه فى حياتى

نفسى افهم نفسى
حاسة انى هرتاح واريح

لما اعرف عايزة ايه


حبيبتى فكرى فى اخر سؤال وتقولى له ايه هدفك فى الحياه
حيرتك دى معناها انك مش كنتى عارفه ايه الهدف ولذلك مش هتعرفى بالتأكيد كيف الوصول له لانك مش محدداه اصلا
نفسك تفهمى نفسك جميل ده اول الطريق الصح انى اتوقف واشوف هو انا رايحه فين وعايزه ايه من الدنيا ؟؟
سهلت لك الاجابه اهو

###########################################

المشاركة الأصلية كتبت بواسطة roki اولا السلام عليكم



المشاركة الأصلية كتبت بواسطة roki
معلش اتاخرت شوية لانى الايام دى مريضة شوية وخصوصا بتعب لما بقعد على النت كتير
سلامتك يا قمر وربنا يشفيكى يااااااارب وبراحتك اقعدى على النت خفيف وانا عن نفسى بنتظرك

البرمجة السلبية مع بنتى تقريبا وللة الحمد مش موجودة لانى فى اتفاق فى المعاملة الى حد ما
بالرغم من انها مازالت صغيرة وبتقابلنى مشاكل كتير معاها ولكن بحاول بقدر الامكان احافظ على نفسيتها

اكيد التعامل مع الاطفال صعب وهيقابلك صعوبات لكن الحمد لله ان المعامله عامه كويسه وده شيئ جيد
اما مع جوزى بجد هاحاول اركز مع نفسى وبعدين اكتبها


اما الجزرة ولا البيضة ولا القهوة
فانا بلا فخر جزرة وبجد نفسى اكون قوية واقوى قلبى لانى ساعات بكرة حنيتى الزايدة اللى هى ممكن توصلنى انى يداس عليا ولو اى حد اتكلم معايا والكلام مش عجبنى بعيط من الاخر بحس نفسى انى ضعيفة



ماشى منتظره الهدف من الحياه
اجابه السؤال التالت وبراحتك المهم انك توصلى للاجابه المرضيه بالنسبه لك ماشى ؟؟
اما عن الجزره فايه التناقض بين انى اكون قهوه وكمان يبقى عندى حنيه ؟؟؟

البكاء لن يفيد يا قمر لذلك يجب ان نتخلى عن تلك الصفه اللى خلت عينى قربت تروح ولم يشعر بى الاخرين
يبقى اكيد انا كنت بتبع اسلوب غلط والعيب منى فيجب اصلاحه

######################################################

المشاركة الأصلية كتبت بواسطة moozy . ما هى اهم ثلاث اشياء بتعمليها فى البيت كل يوم؟؟ "وليس المهم ترتيبها" المهم اهمها على الاطلاق فى حياتك
طبعا الفطار(الاكل عموما)
والمواعين والغسيل
وتلبية طلبات الاولاد من كل شئ(نضافة واكل وشرب والذى منه)
2. ما هو الشيئ الذى يميزك عن الاخرين وبيخليكى مختلفه عنهم تماما ؟؟
الحمد لله
بعرف اتصرف تحت اى ظرف بفضل من الله
3.ما هى الاعمال اليوميه اللى لما بعملها بستمتع بأدائها ؟؟
الطبخ ثم الطبخ
لانى الحمد لله متميزة فى العائلة باحلى اكل
4. ما هو الهدف الذى اسعى لتحقيقه فى حياتى وهو نصب عينى دائما ؟؟؟

ارضى ربنا فى كل شئ
فى رعايتى لزوجى واولادى
واكون من حفظة القران انا واولادى وزوجى

ونكون مستورين الحال

جميل يا موزى اجاباتك و هدفك واضح امام عينك

#################################################

المشاركة الأصلية كتبت بواسطة nnos2
ازيك ياقمر انا كده هجواب ويارب يكون اجبتى صح اولا اهم تلات اعمال ليا هو صلاتى وقراءه القران 2\الاكل لان معايا اطفال وجوزى ملتزمه بيهم 3-تنضيف المطبخ والشقه ومعلش شرب الشاى معلشى بقه اصلى زى ماقلتلك لانى مدمنه..... الشئ الذى يميزنى اهتمامى بنفسى وحبى انا وزوجى لبعض واحترمنا البعض كلا منا يخاف على مشاعر التانى وتطلعى الى الاحسن بالثقافه......الاعمال التى استمتع بها هو اللعب مع اولادى وشعورى انهم انبسطوا2\اهتمامى ببنوتى وابنى حاليا ولا اخفى عليكى تقريبا من سنتين كنت فى غيبوبهعهن تربيته واهتمامى بيهم يعنى كانت حياتى ملخبطه..............والهدف بتاعى اسمحيلى اناطماعه اوى....... نفسى اصلح حياتى وتربيتى واهتمامى بعيالى +واغير شقتي تبقى واسعه .......... ثانيا اتعلم ابقى مقتصده واتربى شويه لانى مسرفه فيما لاتتخيلى وجت على دماغى فى الاخر حصلى درب ولسه متطلعتش منه ولكنى اتعلمت ان الواحد لازم يحترم نفسه ويعيش بما يرضى الله وكمان موش لوحدى لا معايا جوزى بنحاول نتعلم مما سبق .....3\ تربيتى فى اولادى الاحترام والحب والحنان وتعليمهم الدين على اصوله وتحفيظهم للقراءن ونفسى اغير جوزى واشجعه انه يعمل مشروع صغنون وطبعا ما ربنا يفك كربنا ونبتدى من جديد

حبيبتى ممكن تفكرى وتركزى شويه وتقولى لى هدف واحد بس فى الحياه تسعى اليه من يوم ما وعيتى على الدنيا الى الممات عايزه تحققيه ؟؟
اهدافك اللى ذكرتيها جميله لكن متغيره ومتجدده
بمعنى ان حققتى هدف منها مش هتفكرى فيه تانى اكيد
عايزه هدف واحد تسعى اليه وتضعيه نصب عينيكى
لو مش فيه الى الان خليكى صريحه مع نفسك حطى هدف بس بشرط هيبقى هدفك من الان والى الاخر
يلا فكرى وعايزه الاجابه بعد التفكير ماشى ؟؟

############################################

المشاركة الأصلية كتبت بواسطة kokyale70 ازيك ياتة جاتوة كل سنة وانتى طيبة انا اتاخرت ليكو اقوى بسبب رمضان ولكنى قرات كل ما فاتنى بالنسبة للبرمجة السلبية فانى عودت ابتى على انها لالتاكل بمفردها لازم احايلعليها واكلها بنفسى كمان المذاكرة لازم تعمل الواجب وانا معاها ان شا اللة تقف فى الطبخ معى لكن لازم اقولها اعملى كذ كذا ولما بحاول اخليها تعمل الواجب لوحدها لاما لا تعملة او تملة غلط وبخط وحش ام بالنسبة للاختيار فانا باعتبر نفسى بيضة ومعنديش مرون خالص ومخى جزمة اما بالنسبة للاسئلة 1- ترتتيب الاشياء المهمة 1- مذاكرة انتى 2- ترتيب الشقة 3- الطبيخ 4- ترفية س2 // اهم مايميزنى التفكير بالعقل س3// الاعمال التى تمتعنى هى الطبيخ وخاصة اذا كنت باعمل حاجة جديدة س4// هدفى 1- تربية اولادى تربية دينية جيدة 2- تحفيظهم القران بالحب مش بالضرب 3- عمل حاجة تسندهم فى المستقبل وربنا يسادنا انا وابوهم و دعوا لنا *********** بحبك فى اللة

كل سنه وانتى باالف خير على فكره انا بطيئه شويه فى الدروس عشان الكل يقدر يتابع بعد ما بياكل القطايف والياميش والتروايح بيتقل
المهم بالنسبه للبرمجه السلبيه ياريت تصلحى لانى عرفت واحده ابنها فى ثانويه عامه وراج معسكر تبع مدرسته كانت بتبكى عليه لانه متعود انها تأكله الى الان بايدها
فالحقى نفسك بقى
مع ان ده مش برمجه سلبيه لكنه تعود خاطئ من الاهل على الاتكال على الاخرين
اما عن الواجب فغلط ثم غلط ثم غلط انك تكونى كل حاجه فيه الصح انها تحل الواجب وانتى تسمعى لها النشيد مثلا او النصوص او تفهميها نقطه صعبه فى الواجب عشان تتعود انها تعتمد على نفسها ومش تسيب كل حاجه ليكى وانتى بتباشرى كل شيئ

اما هدفك فرائع يجب ان تعملى له بقى

######################################################


المشاركة الأصلية كتبت بواسطة barbyu
اهم 3 اشياء 1) تحضير الوجبات كلها (فطار وغدا وعشا

(2) رعايه الاولاد
(3) امار س هوايتي وده انا بسميه (مي تايم )

اعتقد ان الشيئ اللي بيميزني عن اللي حوليه اني جريئه وكمان بعرف اتعامل مع اي موقف ومع اي حد
اما بالنسبه للاعمال اليوميه اللي باستمتع بعملها هو ترويق البيت (مش باستمتع اوي بس هو افضل من شغل المطبخ)
هدفي في حياتي اني احقق الامان المادي لاولادي
(طبعا باحفظهم القران ونفسي يختموه ان شاء الله )
لكن في ظل الظروف اللي عايشاها البلد فانا نفسي ان اولادي يعيشوا حيا اكثر استقرارا
وشكرا ليكي يا ميس صافي انك خليتينا نفكر في الاسئله دي
والله انا قعدت افكر طول اليوم
اصل الواحد مش متعود ان حد يساله عن حاجه خاصه بيه زي كده
وكمان حكايه الهدف بتاعي ده كان مهم قوي لاني فضلت اغير فيه من ساعه للتانيه
واخيرا جزاك الله خير عن الوقت الغالي الي بتقضيه معانا وفي الرد علي اسئلتنا ومتابعتنا ربنا يجعله في ميزان حسناتك ان شاء الله




معلش عارفه انك ناويه تضربينى
الهدف اللى كنتى ساعات بتفكرى فيه جميل لكنه متغير بتغير الظروف والزمن
يعنى لما تحفظى العيال القراءن ويختموه باذن الرحمن هيتغير الهدف صح؟
ممكن هدف اكبر حبتين ويكون ثابت طول العمر المديد لك ان شاء الرحمن
وشكرا على دعائك ولك مثله ساعه الافطار

##########################################

المشاركة الأصلية كتبت بواسطة أم عمير1 السلام عليكم.........
أنا آسفة يا حتة جاتوة أنا غبت كتير لأنى ماكنتش فى البيت كل الفترة دى
أنا قرأت اللى فاتنى لحد جزء معين هجاوب عليه بعد إذنك لحد ما أكمل الباقى
مسلماتى:الصلاة
الأساسيات:
1-رعاية أولادى(رضاعة و حمام وكل شئ يخصهم)
2-أصحى زوجى للشغل و للأسف بطلت أفطره و السبب هقوله لما أتكلم عن البرمجة السلبية
3-ترتيب البيت ترتيب خفيف
4-تحضير الأكل حتى لو مش هعمل أكل أحضر أى حاجة جاهزة سريعة
الأجتماعيات:
1-أتصل بماما و أختى كل يوم
2- أتصل بمامة زوجى بس بصراحة مش كل يوم
3-ليا أصدقاء مقربين جدا لأن أزواجهم أصحاب زوجى و بيتقابلو كل فترة و لازم الزوجات تبقى موجودة و طبعا بنكون نساء بس مع بعض و المقابلات دى بتفرحنى جدا جدا و دول أكتر أصدقاء بتصل بيهم كمان فى الفترة الحالية
4-طبعا زيارة ماما و أختى أساسى
الترفيه: 1-ممكن أنا و زوجى كل فترة نخرج حتى لو هنلف بالعربية أو نتفرج على المحلات أو للتسوق و بكون مبسوطة جدا جدا
2-النت
و للأسف معنديش هوايات بس قبل الجواز كنت بحب القراءة جدا وإستمريت عليها بعد الجواز لغاية ما حصل الحمل و الولادة و ربنا رزقنى بتوأم و حياتى إتغيرت جدا و معنديش أى وقت غير ليهم و بس
إن شاء الله هكمل قراءة و أجاوب على الباقى

جميله اساسياتك ولا غبار عليها
اما عن الترفيه
ان كان التوأم لسه بيبيى يبقى هياخد رعايه كتيره لكن ان بدأوا يكبروا يبقى لازم الام ناخد حته السكر وبتركيز عشان مش نلاقيها هربت من البيت فجأه بدون مقدمات
فاهمه قصدى ؟؟؟ اقصد كلما تشتد المحن والشدائد نكون فى حاجه الى ترويح عن النفس
ولكى ان تتخيرى المناسب لك في ظل ظروفك الحاليه
القراءه بالنسبه لك ممكنه جدا عارفه فين ؟؟
عند دكتور الاطفال لا قدر الله ان احتجتى له
طبعا الجلوس عند اى دكتور ممل لانه ساعات طويله انا باخد كتاب وأقرأ الى ان يأتى دورى على راحه راحته بقى
بلا مبالغه بقرأ نص كتاب مثلا وبستفيد من وقتى فيه
هتقولى العيال هتجرى هنا وهناك هقولك نسقى انتى بقى طريقه ترفيهك بحيث انك لا تستغنى عنها ولا تحسى بالثقل النفسى



المشاركة الأصلية كتبت بواسطة أم عمير1 أنا كملت قراءة و هتكلم عن البرمجة السلبية
أنا طبعا عانيت منها بعد الولادة........ أنا طبعا ولدت عند ماما و بعد ما خفيت ماما و بابا كانو دايما يقولو إنتى مش هتروحى لأنك مش هتقدرى على ولادك دول توأم و كنت أرد عليهم إنى إن شاء الله هقدر و لازم أروح و ماينفعش أسيب بيتى و حياتى لكن من جوايا كنت مرعوبة و متأكدة إنى مش هقدر عليهم لوحدى و كنت دايما ببكى لأنى لازم أروح عشان جوزى و إستمريت على الخوف ده و كلامهم شهرين و بعدين روحت و لقيت نفسى بتصرف مع الولاد لوحدى آه طبعا بموت من التعب طول النهار واحد ينام و التانى يصحى لكن قدرت أتعايش و أنا كنت متأكده إنى لما هروح هرجع لماما تانى يوم .
و لغاية دلوقتى برده برمجة سلبية لأن ماما من إحساسها إنى تعبانة بتقوللى مش لازم تعملى أكل و كلو أى حاجة و تعملى أكل و تقول لزوجى أصبرعليها سنتين لغاية ما الولاد يكبروا و طبعا ده خلانى فعلا مش بعمل أكل إلا كل فترة وبطلت أفطر زوجى أو أهتم بأموره و لا برتب البيت و حجتى أنا معايا توأم و مش قادرة و اكتشف إنى ضيعت مثلا ساعتين على النت و كان ممكن أعمل حاجة بس و الله أنا فعلا تعبانة مع أولادى جدا و أحيانا بواصل و أنا صاحية معاهم لحد9 أو 10 صباحا بس برده البرمجة السلبية مأثرة عليا جدا
و أنا كمان بعد الولادة كنت حاسة إنى مليش حق فى الترفيه لأنى بقيت أم مع إن زوجى بيقوللى لازم نعيش حياتنا زى الأول ........تصورى بعد الولادة بشهر نزلت مع زوجى كذا مرة أشترى لنفسى حاجات و كنا بناخد ولد معانا و نسيب التانى مع ماما و كنت دايما أرجع مكتئبة و حاسة بالذنب إنى سبت واحد مع ماما و نزلت أرفه عن نفسى و التانى حاسة إنى ظلمته لما أخدته فى الزحمة و الحر و كنت بقول لنفسى إنى مش أم بالنسبة لماما اللى عمرى ما شفتها سابتنا لوحدنا عشان تعمل حاجة لنفسها
ده غير إنى فضلت أكتر من شهرين برفض عزومة أى حد و حاسة إنى مش هستمتع أصلا و هروح عند الناس أرضع الولاد و أسكتهم وأقول لزوجى روح لوحدك أنا خلاص عمرى ماهخرج تانى و هو دايما بيحب يرفه عنى
دلوقتى ولادى عندهم 5 شهور و بدأت أتأقلم شوية بس لسه مهملة فى البيت جدا بسبب البرمجة السلبية
جزاكى الله خيرا و هكمل إجابات بعد ما أكمل قراءة

انتى قلتى المشكله وحلها يبقى ليه مش بتحليها ؟؟
بتقولى النت بتقعدى عليه ساعتين ان كانوا فى وقت نوم العيال اعتقد انهم بالنسبه لك اهم من النوم هتستغربى اكيد
هقولك لان الساعتين دون باعتبار انهم حته السكر لكن لكى ناخد حته السكر لازم نعمل اللى نستحقه لكى ننال تلك الجائزه
سؤال اسأليه لنفسك بصراحه تامه
هل انتى اول واحده عندها توأم ؟؟
سؤال تانى بقى مش شفتى ناس عندهم 3 توأم ؟؟
انا شفت بصراحه واحده عندها 3 بنات قمامير وعايشه زى الفل وبتلبس وبتخرج لكن صراحه البنات فى حضانه يعنى بيمشوا
يعنى تكيفى على واقعك ومش تحسى انك فى كارثه ودئما انظرى الى ما هو جميل فى انك جبتى توأم
مثل انك مش هتتعبى تانى فى ولاده اخرى وتربيه اخرى وهكذا لكى تهون عليكى الحياه
وحاولى ان تشعرى انك مش لوحدك اللى جابت توأم ولازم تخرجى من برمجه الاخرين السلبيه لك وتقولى هقدر وانتى فى قراره نفسك مقتنعه بذلك
منتظركى بعد ما توصلى لنا تانى ماشى؟؟

#####################################

السلام عليكم
حبايبى القمرات
معلش سؤال سريع ليكم جميعا
هل هدفى فى الحياه واضح بالنسبه لى؟؟؟
هل انا فكرت فيه وقعدت كتير لكى اراه امامى ؟؟
هل هو نصب عينى الى النهايه ؟؟؟
سؤال اسئليه لنفسك وجاوبى عليه فى مشاركه تقولى لى هدفى الثابت والغير متغير كذا
سؤال غلس تانى بقى هتجاوبى عليه

هدفى كذا وطريقتى للوصول له هيبقى بكذا

مثال

هدفى فى الحياه الجنه واضعها نصب عينى
طريقه الوصول لها بان اربى ابنى تربيه اسلاميه جيده وان احفظه القراءن واعلمه السلوك التربوى الصح وهكذا .....
وضح السؤالين ؟؟؟

لكن لكى اكتب تلك الاسئله واجاوب عليها لابد من برمجتها فى عقلى الباطن بحيث تكون هدفى فى الحياه فعلا مش سؤال بجط اجابته هنا ودمتم

استأذنكم انى اكمل تعليق على باقى الاجابات بعد ما اكمل صنينه الكنافه اللى عاملاها على الفطار
اتفضلوا معايا

####################################

المشاركة الأصلية كتبت بواسطة بداية جديدة لو خليت سؤالك

عايزة ايه من الدنيا هيبقى اسهل شوية

عايزة اكون افضل من جوايا
اكون ايجابية اكتر وانفع مجتمعى
بجد نفسى اعمل حاجة تفيد اللى حواليا وبعد ما اموت تكون
علامة لوجودى
اربى ولادى واعلمهم كويس اوى

لسة بفكر الحقيقة السؤال صعب والاجابة اصعب




عايزه الحق
اخر جمله منك فى الصميم
السؤال صعب والاجابه فعلا فعلا صعبه اوى
لان لما بيكون لينا هدف بيبقى تحقيقه مطالبين بيه وبنحققه لاننا شايفينه قدامنا وبمعنى اصح مش شايفين غيره
جميل هدفك انك عايزه تكونى ايجابيه وتفيدى الناس مع بعدك
يلا كملى جميلك بقى وقولى لى الوسائل ايه فى تحقيق ذلك

#################################################

المشاركة الأصلية كتبت بواسطة رونيلا اقصد انى مش عايشه لنفسى انى بفكر فى الاخرين واهم حاجه عندى مساعده الاخرين من اى ناحيه لو قدرت سواء ماديه او معنويه والحمد لله مجال الخدمات عندى كتير وحباه كمان


رونيلا اللى قلتى عليه اعتقد انه وسيله وليس هدف
يعنى وسيله للوصول لهدف معين
ايه الهدف بقى

######################################################

المشاركة الأصلية كتبت بواسطة فتوكة الهادئة20 السلام عليكم
صراحه اسئله محرجه جدا وبينتى الفضا وعم احترام الوقت بالنسبه ليا
1. ما هى اهم ثلاث اشياء بتعمليها فى البيت كل يوم؟؟ "وليس المهم ترتيبها" المهم اهمها على الاطلاق فى حياتك

الاجابه اكل ونام واقضى طلبات جوزى والعيال


. ما هو الشيئ الذى يميزك عن الاخرين وبيخليكى مختلفه عنهم تماما ؟؟
مدبره وبعمل من الفسيخ شربات

3.ما هى الاعمال اليوميه اللى لما بعملها بستمتع بأدائها ؟؟
لما اطبخ اكله وتتطلع حلوه او اهتم بنفسى زى مثلا مسك خلطه ليا اى او اعمل اى حاجه وتتطلع مظبوطه

4. ما هو الهدف الذى اسعى لتحقيقه فى حياتى وهو نصب عينى دائما ؟؟؟
الاهداف كتير بسى الى مركزه فيه الوقتى الرجيم عايزه اخس عشان اكون بصحه كويسه

عدلى الهدف بقى كما قلت لكم فى المشاركه بتاعتى لما توصلى لها عدليه واكتبى هدف ثابت لا يتغير

ولو ان الرجيم بقى مش سهل وعايز صبر لانك ازدتى وزن مش فى يوم وليله وعايزه تنزلى الوزن فى يوم وليله
ما بنى فى سنين الصح والانسب يتهد فى سنين وليس فى ايام قليله وده ماهيه الرجيم الصح

####################################################

المشاركة الأصلية كتبت بواسطة ام نسك ام نسك تقدرى تعتبريها طالب دراسات عليا ان جاز التعبير ولو انى ارى انه ليس من الادب ان اكتب انها طالب من الاصل
فهى اكبر منى قدرا وسنا
شكرا لكم جميعا

جزاكى الله خيرا استاذتنا وغفر لنا جميعا هذا فوق قدرى بكثير
غاليتى ام نسك يجب ان نعطى كل زى قدر قدره

نكمل بقى باقى الدروس


ممكن تفكرى كويس قبل ما تكتبى لى اجاباتك عن الاسئله الاتيه ؟؟

1. ما هى اهم ثلاث اشياء بتعمليها فى البيت كل يوم؟؟ "وليس المهم ترتيبها" المهم اهمها على الاطلاق فى حياتك
لو استبعدنا المسلمات وكمان الاساسيات : ولا حاجة اهم من اخرى
2. ما هو الشيئ الذى يميزك عن الاخرين وبيخليكى مختلفه عنهم تماما
الرضا التام والهدؤ الشديد

3.ما هى الاعمال اليوميه اللى لما بعملها بستمتع بأدائها ؟؟
كل ما اقوم به : فبفضل الله استطيع ان اسعد نفسى واستمتع بكل ما اعمله
4. ما هو الهدف الذى اسعى لتحقيقه فى حياتى وهو نصب عينى دائما ؟؟؟
الجنة
منتظره اجاباتكم لكن بعد التركيز فى الاسئله والتفكير جيدا فى الاجابات






اختى فى الله ام نسك
عن جد قرأت اجاباتك مرات ومرات ولم اسع إلا ان اقرأ المعوذتين لانى رأيت فيهم ما يندر ان نراه فى البشر عامه
هتقول البنات وليه اشمعنى ام نسك
ايوه انا سمعاكم اهو
هقول لان اجابه السؤال االثانى وهى


اقتباس:
2. ما هو الشيئ الذى يميزك عن الاخرين وبيخليكى مختلفه عنهم تماما
الرضا التام والهدؤ الشديد

الرضا التااااااااااااااام
حد فينا راضى عن حياته الان ؟؟؟ مع ان حياه ام نسك ليست مثاليه ولا ورديه كما يتصور البعض لكنها راضيه عنها كل الرضا

واجابتها للسؤال الثالثواضحه ومحدده وتختصر فى كلمه واحده وهى
الجنه
غاليتى ام نسك انتظر اجاباتك على السؤال
اذكرى الوسائل الى ذلك فى نظرك وبطريقتك

##############################################################

المشاركة الأصلية كتبت بواسطة om_mostafa على فكره انا قصدت انى بفكر بقلبى علىشان كده بتصدم صدمات كتيره انا عارفه ان ده ممكن يكون عيب لكن انا شايفاه بيميزنى فى مقابل القسوه و اللامبالاه اللى عند كتير من الناس

ام مصطفى مش وحش انى افكر بقلبى
لكن برضه ياريت نقدر نحقق العادله انى اكون طيوبه كما انا لمن مش فيه حد يستغل طيبتى هذه
فهمانى ؟؟
يلا منتظره الهدف والوسيله لكى اصل اليه

###############################################

المشاركة الأصلية كتبت بواسطة كاجو كاجو انا جاوبت بس بعد تفكير طويل وسؤال الهدف ده اخد منى وقت كبيرلانى اكتشفت انى ماكنتش شايفة الهدف اصلا

جميل توقفك عند الهدف اللى مش كنتى شايفاه
لانك الان عملتى اسبوت ونور ساطع على شيئ مهم فى حياتك او قولى اهم شيئ فيها
اخدت اجاباتك فى الاقتباس لانك جاوبتى فى ورقه الاسئله


اقتباس:
. ما هى اهم ثلاث اشياء بتعمليها فى البيت كل يوم؟؟
الطبخ الاهتمام بابنى فى كل حاجة حاسة ان مفيش حاجة مهمة قوى تانى
اممممم هو ابنك بس اللى شايفاه فى الحياه ؟؟ واللى جابه مش له نصيب فى ان عينك تشوفه ؟؟

2. ما هو الشيئ الذى يميزك عن الاخرين وبيخليكى مختلفه عنهم تماما ؟؟
شخصيتى قوية واللى فى دماغى لازم اعمله ومش بحب حد يفرض عليا حاجة
وفى حاجة هى وحشة شوية بس هى فعلا بتميزنى عن الاخرين تماما انى لما بحب حد بحبه من كل قلبى
ولما بكره حد بكرهه برضه من كل قلبى

شخصيه قويه ماشى لكن المهم ان اللى بعمله يطلع صح مدام بصمم عليه
3.ما هى الاعمال اليوميه اللى لما بعملها بستمتع بأدائها ؟؟
لما بلاعب ابنى وبيضحك بحس انى طايرة من الفرحة وخاصة لو علمته حركة جديدة
وبرضه لما بحفظ القران اللى عليا واراجع القديم بيبقى عندى طاقة بتخلينى اقوم اعمل اى حاجة مكسلة عنها

4. ما هو الهدف الذى اسعى لتحقيقه فى حياتى وهو نصب عينى دائما ؟؟؟
ده بجد اصعب سؤال لان الهدف اللى المفروض اسعاله هو الجنة ليا ولزوجى واسرتى كلها
بس للاسف انا مش على طول شايفة الهدف ده قدامى يعنى بعمل اللى يوصلنى ليه من غير ماخد بالى من الهدف نفسه
وازاى احقق الهدف ده واحس انه منحقى انى وصلتله
انتى فاهمة انا قصدى ايه اصلى حاسة انى مش عارفة اكتب اللى عايزاكى تفهميه بالظبط


لا انا فهمت اللى انتى عايزه توصليه
وقلتى ان المفروض ان هدفك الجنه جميل
ليه بقى كتبتى المفروض ؟؟
لانه لم يكن فى الحسبان قبل ذلك
طيب نخليه فى هو هدفى بقى ونقول ايه الوسائل فكرى ومنتظره اجابتك

####################################

المشاركة الأصلية كتبت بواسطة ام نسك هدفى كذا وطريقتى للوصول له هيبقى بكذا

الهدف : النظر لوجه الله يوم القيامة
طريق الوصول : ليس له الا طريق واحد : دخول الجنة
ولها طرق عديدة جدا جدا : ان اكون زوجة صالحة
ان اربى اولادى ليكونوا يوم القيامة فى ميزانى ويحسبوا لى وليس على
ان اسعد بكل دقيقة ولحظة فى حياتى ولا اؤجل استمتاعى باى شئ مهما كان
ان اعيش راضية عن ربى ونفسى وكل ما ومن حولى
استاذتنا الفاضلة : اين اجاباتك ؟؟؟؟؟؟؟؟؟؟؟؟؟

ام نسك
سوف اجب على كل الاجابات معكم لكن اسمحوا لى بان اجاوب اخر واحده ماشى ؟؟؟
لكن ان شاء الله هجاوب هجاوب مش هخلع هههههه

###########################################

المشاركة الأصلية كتبت بواسطة nnos2 ماشى ياقمرايه هو فيه هدفين معلش بقى خليها عليكى اصلى بجد دولت اللى قيامه نايمه بحلم بيهم اولا نفسى اغير شقتى موت حاسه انى لو رحت شقه تانيه هبقي مرتاحه وهقولك ليه معلش هوجع دماغك بس قلت احطك فى الصوره احساسى دايما انها صغيره وان لما اتجوزت منقتش عفشى على زوقى لان الامكانيات على القد وكان لسه والدى متوفى وان مكنتش اعرف فى الحاجات ديه واما بدات انضج بدات اقول انا ليه معترضتش على الشقه لاقتنى بجاوب عشان كنت بحبه وخفت على زعله لان دى الامكانيات المتاحه بس هو متعبش فى التدوير واحد قله عليها راح حاجز وبعد كده خدنى اتفرج عليه تحت امر واقع وكنت بحلم دائما ان شقتى تبقى سراميك او سجاجيد كبيره وللاسف لا ده ولا ده حتى السجاد كل واحدمنا جاب للحجره اللى جايبها سجاده وطبعا ماشترناش مع بعض وطلعوا موش متنسقين خالص من كل فيلم اغنيه اههههههه وفعلا صغنونه والمطبخ صغنون يخليكى تكرهى تطبخى حتى حتى لو عملت الاكل موش بيقبى نفس مفتوحه ...... واما الهدف التانى نفسى اكون ام وزوجه مثاليه موش عارفه دى تبقى ازاى هى صعبه اوى كده ولا انا اللى فاشلهمعلش وجعتلك دماغك بس نفسى افضفض لحد لانى اول مره الكلام ده اقوله سامحينى بس ارتحت لك اوى

اللى بتقولى عليهم هدفين ممكن اعدلهم واخليهم وسائل
طيب الهدف ايه هو ؟؟
السعاده فى الدنيا صح ؟؟
ولذلك لما هتغيرى الشقه وانك تكونى ام مثاليه

############################################################

المشاركة الأصلية كتبت بواسطة محبة للإسلام ممكن اتشرف بإشتراكى معاكم انا واخدة دورة تنمية بشرية ونفسى استرك معاكم

حبيبتى منوره معانا ويلا اقرأى الدروس الاول والتانى ومستينه مشاركه منك وعلى مهلك مش مستعجله انا لكن المهم انك تعى كل حرف اتكتب سواء منى او من القمرات اللى فى الدوره
لاننا كلنا بنكمل بعض ولولا اسئلتهم مش كنا فهمنا الدروس



المشاركة الأصلية كتبت بواسطة محبة للإسلام على فكرة احسن طريقة تحققيى بيها هدفك أنك تكتبى الهدف فى كرت او ورقة وتكتبى له خمس أسباب وتقرئيه كل يوم الصبح وكذا مرة فى اليوم دا كلام دكتور إبراهي الفقى

يااااااااارب يحقق كل اهداف المسلمين ::الصالحة

حبيبتى كلامك صح وكلام الدكتور ابراهيم الفقى صح الصح لكنك سبقتى الاحداث
مش ينفع اقولك طبقى على نظريه فيثاغورس قبل ما اشرحها لك
مش كده ولا ايه ؟؟
معنى كلامى ان فعلا هنوصل للنقطه اللى انتى بتقولى عليها ده
بس مش الاول اعرف يعنى ايه هدف
وايه هو هدفى لكى اكتبه فى ورقه ؟؟

#########################################

المشاركة الأصلية كتبت بواسطة nnos2 بصى صح كلامك بس برده انا نفسى ادخل الجنه وعشان ادخلها لازم اعمل لها ويبقى ده اكيد هدف اساسى اللى قولتلى عليه مسلمات عشان كده خرجته من اهدافى وصح كلامك هوده هدفى فى الدنيا انى اكون سعيده وانا فعلا سعيدهبس نفسىتبقى كامله وطبعا او بيتهالى ان ده مستحيل ان يكون فى شئ كامل لا كامل الا الله صح

حبيبتى
هدفى الوصول للجنه
يبقى الوسائل كتيره لكى اصل الى هدفى
وانا سعيده جميل ولكى ارى انى سعيده اكتر يجب ان ارى دائما فى كل عمل اعمله نص الكبايه الملاين فيه
يعنى ايه ؟؟
اضطريت لمشوار فغصب عنى ومش حابه اروحه بس مضطره له
اشوف ميزه فيه واحطها نصب عينى هلاقى الدنيا بقى لها شكل تانى
مش هتبقى وردى وهى اساسا بنى لكن هشوفها انا وردى
مثال لكى يتضح الكلام
عايزه اروح مشوار جوزى غصبنى عليه رايحه لامه او لاخته وانا مش حاباهم مثلا مثلا
اروح واقول يا ربى انا برضى زوجى فيك وطاعه لك
كده وجهت المشوار العقيم اللى تقيل على قلبى بانى شفت فيه نص الكبايه المليان وهو طاعه زوجى لكى يرضى عنى ربى
هيقابلونى مقابله طين ايوه مهو انا مش حابهم ولا هما كمان
مش هزعل واقول خير مهو انا مش رحت عشان خاطر سواد عيونهم لكن عشان ارضى زوجى وربى يرضى عنى يبقى مش يهمنى زعلهم
وبرضه بصيت لنص الكبايه المليان
وصلت الفكره ؟؟

########################################################

المشاركة الأصلية كتبت بواسطة فتوكة الهادئة20
هل هدفى فى الحياه واضح بالنسبه لى؟؟؟
طبعا لاه انا بتتطلع فى دماغى حاجات كتير وتاخد فتره وتروح
هل انا فكرت فيه وقعدت كتير لكى اراه امامى ؟؟
لاه طبعا
هل هو نصب عينى الى النهايه ؟؟؟
لماه الاقاه
يارب اكون جاوبت صح انا جاوبت بصراحه




جاوبتى بمصداقيه بما هو فى نفسك
وبمعنى اوضح جاوبنى وانتى شايفه مرايه نفسك
جميل يلا بقى نبدأ من الاول نحط هدف نصب اعيننا
فكرى فيه براحتك ومنتظراكى بعد ان تحدديه
فى إنتظارك


################################################

يتبع




عرض المزيد
اختر رقم الصفحة 1 2 3 4 5 الأخيرة >>
موضوعات مميزة

اهلا بيكى مع غارنيية خبيرك للعناية بالبشرة

الشكشوكه للفطار للاولاد الشطار (حمله صيفنا احلى مع مطبخ فتكات)

اللحمه المشوحه لا اسهل ولا اجمل (حمله صيفنا احلى مع مطبخ فتكات)

آيس كريم المانجو اللذيد ♥حمله صيفنا احلى مع مطبخ فتكات ♥

مكرونه بالباشميل ♥حمله صيفنا احلى مع مطبخ فتكات ♥

وتحمل عبء الفراشة ... محمود درويش

فندق للبكاء فقط فى كوكب اليابان

عشقتـ فهويت في بئر الظلام,,

حصريًا ..ما زال لأحلامنا الجميلة متسع .. "ق. ق.ج " بقلمي - ألفت سلام

ورشة اعداد الكاتبات "الدرس الثانى" تابعوا ياقمرات

وسام ألكسا للجميع وبكل سهوله

شاتوه الكريم كراميل ♥حمله صيفنا احلى مع مطبخ فتكات ♥

الارز بالبسله خفيف و طعمه جميل ♥حمله صيفنا احلى مع مطبخ فتكات ♥

بالصور الثقب الأزرق The Blue Hole أجمل الأماكن الطبيعية في دهب

طبقات الكنافه والمانجو والكريم شانتيه (حمله صيفنا احلى مع مطبخ فتكات)

مكرونه بالبشاميل ((حمله صفنا احلي مع مطبخ فتكات))

جوزك والاكل

شوزي شيك وكله انوثه وبكعب عالي مع البرنسيس

توست مختلف باللوان (( حمله صفنا احلي مع فتكات ))

11 مادة غذائية جديدة تجنب حفظها في الثلاجة

مراقبات القسم
الفتوكات المتواجدات
الزائرات المتواجدات